O portavoz popular, Óscar Rodríguez, di que a alcaldesa coñecía perfectamente o problema e que o único que fixo, a raíz de producirse denuncias, foi dar un prazo de tres meses aos veciños para resolver un problema que non poden resolver sen rede de sumidoiros
Viveiro, 24 de agosto de 2022. A canalización e depuración das augas residuais é unha competencia puramente municipal, como o é o abastecemento de auga. En Viveiro, o goberno local, presidido pola socialista María Loureiro, demostra en todos as frontes un alarmante déficit de xestión, pero aínda é máis grave no que se refire a infraestruturas básicas como é o caso do saneamento. En As Aceas, debido a falta de rede sumidoiros, hai varias casas que verten directamente á ría. Esta intolerable situación ten que acabar canto antes e, con ese obxectivo, o grupo municipal popular defenderá no próximo pleno unha moción para que o goberno local adopte as medidas precisas para prolongar a rede de sumidoiros ata As Aceas co fin de que, os propietarios das casas, poidan tramitar a conexión coa rede de saneamento. O portavoz popular, Óscar Rodríguez, sinala: “O peor é que a alcaldesa coñece perfectamente a inexistencia de rede de sumidoiros en As Aceas e non fixo nada ata o momento, máis que ameazar aos veciños para que deixen de verter as augas residuais á ría; e como, se preguntan os veciños, se non poden construír fosas sépticas nin poden conectar co saneamento, cuxa arqueta está a uns 50 metros”.
O portavoz popular di que o Concello de Viveiro funciona de maneira tan descontrolada que anos atrás concedeu autorización a un dos propietarios das casas de As Aceas para entroncar coa rede de saneamento. Claro que o problema é que tal rede de saneamento non existe en As Aceas. Agora, ao parecer debido a denuncias por vertidos, a alcaldesa dá tres meses aos afectados para deixar de verter directamente á ría. Óscar Rodríguez sinala: “É dicir, coñecendo cal é a situación, non resolve o problema pola única vía que é admisible, que é a prolongación da rede de sumidoiros ata As Aceas, pero tampouco lles dá outra alternativa, probablemente porque no hai outra solución”. Para Rodríguez “é indignante este comportamento da alcaldesa e do goberno local”.
Os populares destacan que os valores medioambientais e paisaxísticos están entre as grandes fortalezas de Viveiro, porque atraen aos visitantes que impulsan a economía da cidade. “Falan e falan de medio ambiente, de sustentabilidade, pero á hora da verdade non fan nada. O caso de As Aceas é ben claro”.
Rodríguez lembra que unha das críticas que efectuou o seu grupo ao orzamento municipal foi que non recollía nin un euro para saneamento. “Dixémolo entón e dicímolo agora, hai que avanzar no saneamento de Viveiro, e hai que facelo con planificación e coas reservas orzamentarias precisas”.
Os populares esperan que o pleno aprobe por unanimidade a súa moción, de maneira que sexa posible resolver canto antes o problema do saneamento en As Aceas.
.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
