Ribadeo, 1 de agosto de 2022. O tren turístico ofrece oito viaxes diarias para que os visitantes poidan coñecer Ribadeo e os seus recunchos máis emblemáticos nun percorrido de 50 minutos de duración, que sae todos os días desde as inmediacións da oficina de turismo para achegarse ata o porto deportivo, o paseo marítimo, o Faro da Illa Pancha, onde realiza unha pequena parada, e pasa polas principais rúas da vila.
O concelleiro de Turismo, Pablo Vizoso, contou que “dende hai varias semanas xa está en funcionamento o tren turístico de Ribadeo, despois do proceso de licitación e adxudicación por catro tempadas. É un atractivo máis no importante numero de actividades turísticas que se promoven ou que se organizan dende o Concello, e que permite a quen nos visita e a veciñas e veciños coñecer dunha maneira moi cómoda e moi amena o casco de Ribadeo, e achegarse a enclaves como o Forte de San Damián e a Illa Pancha. Ademais durante o percorrido, os usuarios poden informarse da historia e do presente de Ribadeo, de xeito que resulta unha experiencia moi recomendable”.
O propietario do tren turístico, José Antonio Neira, dixo que “despois destes seis anos que xa botamos e coa experiencia que xa collemos, renovamos por catro anos, e dous máis, é dicir ao final serán outros seis. Os horarios son os mesmos, pola mañá hai tres saídas, ás 11, ás 12 e ás 13 horas e pola tarde tamén son os mesmos horarios destes anos ás 16, 17, 18, 19 e 20 horas, sempre dende diante da oficina de turismo, aquí no parque de San Francisco. En liñas xenerais o recorrido tamén é similar porque baixa polo medio do pobo, como facía, e vai a carón do club náutico, porto deportivo neste caso, Forte de San Damián e ata o faro. Alí para uns minutiños como xa paraba”.
O tren turístico, que iniciou a súa sétima tempada a mediados de xullo, estará operativo ata o 15 de setembro. José Antonio Neira explicou que “hai unha pequena variación na volta, porque pasa pola rúa San Roque e despois pola praza e baixa ao que seria o porto mercante e sube outra vez pola rúa Buenos Aires, é unha pequena variación que eu penso que incluso melloramos o tema”. E engadiu: “o recorrido é de 50 minutos aproximadamente, en liñas xerais todas as pequenas reformas que se fixeron esperemos que sexan para mellorar o tema. Cada ano estase consolidando este tren turístico, sobre todo as excursións, que antes non había, empezamos case sen excursións, logo cada ano hai algunha mais e este ano estamos vendo que xa empezan a chamar as excursións, e iso é importante”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
