Dani Vega: “O goberno do BNG non aportou nada na reforma deste colexio. O único que fixo foi recadar a través de taxas municipais”
Ribadeo, 5 de agosto de 2022. O voceiro do Grupo Municipal Popular, Daniel Vega, explica que “en 2021 a Xunta de Galicia licitou as obras de rehabilitación do CEIP Gregorio Sanz cun orzamento dun millón de euros. As obras supuxeron unha profunda reforma para mellorar a estética, confort e a eficiencia enerxética do centro”.
Para Dani Vega, portavoz do Grupo Municipal Popular de Ribadeo, o BNG “está máis preocupado en poñer carteis e pegatinas que en xestionar inversión para Ribadeo”. O portavoz refírese ás declaracións do alcalde, Fernando Suárez, acusando ao portavoz de “vender fume a base de mentiras” co obxectivo de “buscar réditos políticos”.
Por iso, o popular pregúntase: “Que fixo o goberno do BNG? O único que fixeron é cobrar unha taxa municipal, a licencia e paralizar a obra”. Desta forma, “dende o centro tiveron que buscar unha solución para os nenos que necesitaban utilizar o ascensor: acomodar unha clase na planta baixa”.
Para o popular o obxectivo de Suárez e o seu goberno é claro: “Actúan desde a maldade e intentando confundir á cidadanía. Lévano facendo toda a lexislatura.” Ademais engade: “Como é posible que se lle pregunte á directora do centro por que Dani Vega ven aquí?”
Por outra banda, Vega acusa ao BNG de “malmeter” para que o orzamento non fora parar a Ribadeo. “Agora que concluíu a obra e está en perfectas condicións queren desvirtuar o traballo da Xunta e do noso grupo municipal dicindo que se pagaron con fondos europeos”, aclara o portavoz.
Dani Vega mantén que “seguiremos traballando na mesma liña, estaremos ocupados xestionando o orzamento para favorecer a Ribadeo. Entendo, polo tanto, que o goberno do BNG e o seu dirixente estean preocupados”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
