Días despois de publicado o novo Regulamento da Unión Europea que veta a pesca de fondo en 87 áreas das augas comunitarias, seguimos sen entender a mala fe e a falta de transparencia de Bruxelas en aprobar unha decisión deste calado.
Atopámonos ante un veto á actividade pesqueira feito sen o aval de estudos científicos sólidos, sen unha análise seria do impacto social e económico desta medida e sen consultar ao sector. Estamos, unha vez máis, ante unha decisión escorada do lado das obsesións ecoloxistas máis radicais.
O veto á pesca de fondo decretado por Bruxelas é un erro histórico e un golpe moi drástico para a nosa frota. De feito, pon en risco o futuro inmediato duns 200 barcos de capital galego e podería acabar repercutindo en arredor dun milleiro, se contamos os prexuízos indirectos desta decisión.
Por iso resulta especialmente acaído que Galicia e o seu sector pesqueiro vaian da man e amosen a Madrid a necesidade -imprescindible- de presentar un recurso contra esta normativa comunitaria, contra unha norma que ameaza o futuro do sector. Todo apunta a que a xudicial é a única vía que queda, toda vez que a política e a técnica, aportando datos, non deu os froitos agardados.
Con todo, a presión política non debe decaer. O Partido Popular buscará a semana que vén, no Pleno do Parlamento de Galicia, impulsar un novo acordo que reflexe o sentir unánime de todas as forzas políticas e do sector que reclama a Bruxelas unha rectificación sobre o veto á pesca con artes de fondo e a necesidade de que, como condición mínima, poidamos evitar a súa entrada en vigor o próximo mes de outubro.
Comprometémonos a impulsar todas as accións que estean na nosa man para frear este delirio ambientalista que, unha vez máis, parece esquecer que os profesionais do mar son os primeiros interesados en desenvolver unha actividade sostible e medioambientalmente responsable para que a pesca teña futuro.
Europa nin pode nin debe renunciar á súa alma azul, a defender a riqueza e importancia que o mundo do mar e da pesca representa para os cidadáns dos países membros, e o papel que a pesca ten á hora de garantir unha alimentación sa e equilibrada.
Estamos e estaremos ao carón dos profesionais da nosa flota e, en particular, da flota da Mariña lucense afectada.
Jose Manuel Balseiro
Presidente da Comisión de Pesca e Marisqueo do Parlamento de Galicia
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
