A conselleira de Medio Ambiente, Territorio e Vivenda, acompañada do delegado territorial da Xunta en Lugo, reuniuse con representantes do tecido produtivo provincial
Lugo, 21 de setembro de 2022. A Xunta de Galicia adxudicará este ano máis de 64.750 metros cadrados de solo empresarial na provincia de Lugo, segundo salientou a conselleira de Medio Ambiente, Territorio e Vivenda, Ángeles Vázquez, nunha reunión mantida con representantes do tecido produtivo provincial.
Durante o encontro, no que estivo acompañada do delegado territorial da Xunta en Lugo, Javier Arias, a conselleira explicou que no que vai de ano o Goberno galego xa adxudicou máis de 43.500 m2 de solo empresarial, aos que hai que engadir os 21.218 m2 que se prevé adxudicar proximamente.
Logo de incidir en que a Xunta “certifica, unha vez máis, o seu compromiso con Lugo, potenciando o emprego e o asentamento”, Ángeles Vázquez puxo en valor a recente adxudicación por preto de 51.000 euros da redacción dos proxectos de urbanización de tres novas fases -IV-V e VIIa- do parque empresarial das Gándaras, que inclúen un total de 188.472 m2.
A maiores, segundo dixo a conselleira, estanse a executar as obras de urbanización da terceira fase, que xunto ás da segunda fase -rematadas en decembro do ano pasado-supoñen un investimento por parte da Xunta de 5,94 millóns de euros.
Ángeles Vázquez tamén na reunión lembrou que a segunda modificación do Plan Sectorial de Ordenación de Áreas Empresariais de Galicia (PSOAEG) está na actualidade no período de exposición pública. Esta reforma inclúe a creación e modificación de solo en 19 concellos, dos que tres corresponden á provincia de Lugo -O Corgo, Palas de Rei e O Valadouro-.
Lei pioneira a nivel estatal
Durante a reunión, a conselleira puxo en valor a nova Lei de áreas empresariais de Galicia, pioneira a nivel estatal e cuxa aprobación definitiva se debaterá antes de que acabe este mes no Parlamento, e que busca “simplificar, axilizar e planificar o presente, pero, sobre todo, o futuro inmediato” na creación de solo garantindo o equilibrio entre o uso sustentable do territorio e a actividade económica. O obxectivo é dotar á Comunidade de espazos competitivos, funcionais e totalmente equipados.
Así mesmo, con esta nova normativa o Goberno galego reforza o seu compromiso de colaboración coas administracións locais ao darlle rango de lei á iniciativa dos concellos emprendedoresposta en marcha en 2017 e que conta xa con 152 municipios adheridos, cuxo obxectivo é sumar esforzos a prol da reactivación e dinamización da economía e para contribuír á captación e fixación de investimentos para a nosa comunidade.
Nesa liña, a Xunta dará prioridade aos concellos emprendedores en ordes de axudas que se convoquen en réxime de concorrencia competitiva para impulsar o emprego, o comercio local ou proxectos relacionados coa industria. E, pola súa banda, os concellos achegarán ao tecido produtivo máis simplificación administrativa, máis facilidades de acceso a solo industrial e máis incentivos fiscais.
A nova normativa tamén insiste na necesidade de garantir a conservación destas áreas para o que se inclúe a creación de entidades que velarán tanto polo mantemento das infraestruturas e servizos de ámbito como pola súa actualización e modernización.
A conselleira fixo fincapé en novas figuras como as reservas estratéxicas de solo ou os plans estruturantes, que fixan os parámetros básicos de ordenación dunha área empresarial y cuxa tramitación máis áxil permitirá reducir de 21 a 9 meses a aprobación dun proxecto de urbanización.
A Lei de áreas empresariais será unha norma clave nun momento no que, logo de dous anos de pandemia, é necesario reactivar a economía galega, xerar emprego estable e de calidade e facer da Comunidade un territorio atractivo para que as empresas se implanten.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
