Os Gobernos autonómicos do Cantábrico e Andalucía celebrarán a vindeira semana unha xuntanza en Santander co obxectivo de facer unha fronte común e rexeitar a prohibición aprobada polo Executivo comunitario
Santiago de Compostela, 25 de setembro de 2022. A conselleira do Mar, Rosa Quintana, expuxo hoxe a necesidade de que España acuda mañá ao Consello de Ministros de Pesca da Unión Europea coa intención de facer presión ante Bruxelas da man doutros países afectados -como Francia ou Irlanda- co obxectivo de que recapacite e free a prohibición da pesca de fondo en preto dun cento de áreas de augas comunitarias publicada o pasado luns no Diario Oficial da UE.
A representante da Xunta explicou nunha entrevista na Radio Galega que o Goberno central debe buscar aliados para paralizar este despropósito, que entraría en vigor o próximo 9 de outubro, e facer que o comisario de Medio Ambiente, Océanos e Pesca, Virginijus Sinkevicius, rectifique. “Debe dar un paso atrás ante o malestar do sector e a contestación social e revisar a aprobación dese regulamento de execución cos últimos datos e informes dispoñibles”, indicou Rosa Quintana.
A titular de Mar subliñou ademais que a Comisión Europea excede con esta normativa o marco no que se ampara para a súa posta en marcha, un regulamento do ano 2016. Esa norma conxelaba a pegada pesqueira, polo que se entende que non se poden ampliar nin reducir as zonas autorizadas a faenar, algo que non ocorre neste caso. De feito, ese regulamento permitiu traballar á frota con normalidade nos últimos seis anos.
Por iso, en caso de que as xestións políticas no Consello de Ministros de mañá non dean froitos, Galicia defende a necesidade de que España recorra esta prohibición ante o Tribunal de Xustiza da Unión Europea e solicite a súa suspensión temporal, pois a súa entrada en vigor sería un golpe mortal para a frota. A conselleira lembrou que o Goberno central conta co apoio unánime tanto das comunidades autónomas afectadas -Galicia, Asturias, Cantabria, País Vasco e Andalucía- como do sector pesqueiro, polo que non se entendería que o Goberno central non recorrese esta medida ante a Xustiza.
A representante do Executivo galego incidiu en que o Estado é o que está lexitimado para presentar ese recurso e que todas as autonomías contribuirían na busca de argumentos xurídicos e datos cos que xustificalo.
Rosa Quintana apelou á necesidade de que os tribunais sexan conscientes de que este veto tería un gran impacto nunha actividade económica fundamental para a produción de alimentos de calidade. “Nun momento no que tanto falamos do cambio climático, non se pode esquecer que a obtención de proteína mariña ten unha baixa pegada de carbono e nula pegada hídrica ao tempo que estamos ante un sector que vén acreditando que traballa axustado ás normas establecidas no seo da UE”, indicou.
Nesta liña, salientou que desde 2012 a maioría de caladoiros nos que faena a frota galega está en niveis de rendemento máximo sustentable (RMS), o que significa que o volume de capturas actual garante a continuidade da actividade no futuro.
Contactos
Ante esta situación, Galicia segue a manter contactos con outras comunidades autónomas afectadas co obxectivo de facer unha fronte común contra a decisión adoptada por Bruxelas. Neste sentido, a titular de Mar anunciou que a próxima semana se celebrará unha xuntanza en Santander das catro comunidades do Cantábrico -Galicia Asturias, Cantabria e País Vasco- máis Andalucía para mostrar unidade no rexeitamento ao regulamento da Comisión Europea e exixirlle que rectifique.
Rosa Quintana lembrou que Bruxelas non aportou ditames biolóxicos nin socioeconómicos que sustenten a súa proposta, unha falla de argumentos sólidos que fai que a decisión se estea a adoptar en base a datos parciais e sen actualizar. Galicia defende que todas as artes de pesca son respectuosas co medio ambiente se se empregan ben e lamenta que o Executivo comunitario dea prioridade ás teses medioambientalistas por enriba das aportadas polos científicos e o propio sector.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
