Ribadeo, 16 de setembro, 2022. O pasado luns 12 de setembro, tivo lugar no IES Ribadeo Dionisio Gamallo a apertura do curso escolar cunha lección inaugural a cargo de Toni Deaño e coa actuación da Coral Polifónica ribadense.
Baixo o título “Luz Pozo Garza”, Toni Deaño, ex profesor do centro, fixo un resumo da vida e obra da poetisa nacida en Ribadeo no ano 1922 e nomeada filla predilecta do Concello de Ribadeo en xaneiro do 2020, pouco antes do seu falecemento. A interesante lección rematou coa lectura dun poema dedicado á nosa vila, que o propio Toni Deaño custodiou por petición da escritora ata a súa publicación en La Comarca del Eo: “Abrín portas de prata” co subtítulo Ribadeo, Ribadeo.
A continuación, e grazas á colaboración do Concello de Ribadeo, a Coral Polifónica dirixida por Mari Carmen Rodríguez Cancelo, interpretou un brillante repertorio no que tiveron cabida a peza africana “Iparadisi”, as habaneras “Casiñas brancas” e “Contos do mar”, a famosa “Terra” das Tanxugueiras e o “Gaudeamus Igitur”, himno universitario por excelencia.
Deste xeito, o instituto ribadense quere contribuir á celebración do centenario de Luz Pozo Garza, que no ano 1952 publicou o seu primeiro poemario en galego, “O paxaro na boca” e que foi merecedora de numerosos premios e recoñecementos ó longo da súa vida. A ela está dedicada a axenda escolar deste curso que xa se repartiu a todo o alumnado e dende o centro queren agradecerlle a Toni Deaño, á Coral Polifónica e ó Concello de Ribadeo a súa colaboración para facer posible esta homenaxe.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
