Foz, 6 de setembro de 2022. O alcalde de Foz, Fran Cajoto, cualifica de “arroutadas electoralistas os exabruptos” do voceiro do PP, Javier Castiñeira, sobre as licenzas de obra e aclara: “a nosa preocupación é que proxectos e expedientes saian adiante, pero as críticas sen fundamentar e con mentiras non merecen a nosa consideración. Agora o voceiro popular dispara contra o goberno municipal polos expedientes de urbanismo. Pero a realidade é que nos puxemos mans á obra desde o minuto un, suplindo unha baixa médica do técnico encargado de facer os informes cunha acumulación de tarefas con outro concello e coa asistencia da Deputación e nesas seguimos”.
Ademais Fran Cajoto explica: “atendemos todos os expedientes de urbanismo e aqueles que non son aprobados son por cuestións e criterios técnicos incluídos nos informes. Que non enrede e diga a verdade: neste goberno non nos movemos por intereses particulares”.
O rexedor municipal engade: “estamos traballando cun PXOM aprobado polo goberno local anterior con moitas deficiencias, con dificultades para construír no solo cualificado como urbano nas parroquias e completamente bloqueado en zonas como Cordido. Fixemos as xestións necesarias para a legalización da captación de Cordido con diversas reunións ante Augas de Galicia, reunións ás que o señor Castiñeira rexeitou acompañarnos a pesar da influencia que se lle presupón ante a Xunta. Incluso intentou bloquear cunha denuncia persoal ante o xulgado o aglomerado do estacionamento do cemiterio de Foz. Se todos eses esforzos negativos os canalizara en traer cousas para Foz íamos agradecerllo todos. Non esperabamos moito: nas eleccións anteriores presentouse sen programa de goberno, sen un proxecto para Foz. Descoñezo se se vai volver presentar, nin me incumbe, pero que non conte mentiras”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
