A dirección provincial sinalou que o intenso traballo da nova executiva, con total proximidade aos veciños e vontade de sumar, dará ao Partido unha vitoria aínda máis ampla nas eleccións locais do próximo ano
Xove, 9 de setembro de 2022. O PP de Xove refórzase de cara aos novos retos electorais cunha executiva na que, xunto á veteranía dos que xa formaban parte da dirección do partido, figuran novas incorporacións, que, nun marco de representatividade das parroquias e da vila, afondará no traballo de proximidade e de sumar para mellorar a calidade de vida dos veciños. Á fronte da executiva saída do congreso celebrado este xoves polo PP de Xove está José Demetrio Salgueiro Rapa, alcalde do municipio.
Nas vicesecretarías figuran: Política Social, Ana María Abad López; Educación e Medio Rural, María Dolores Meitín Guerrero; Turismo e Deporte, Cristina Iglesias Guerreiro; Medio Ambiente, Cecilia Duarte Fernández.
Os vocais son: Manuel Ángel Meitín Rouco, Leandro Quelle Franco, José Manuel Balseiro Canoura, José Ángel García González, Antonio Paleo Riveira, Jesús Ángel Ben Canoura, Francisco Antonio Casariego Guerreiro, Miguel Ángel García Sánchez, Jesús García Ínsua, José Manuel Dayan Mariño, José Mario Cociña Ben, José Luis Fernández Cociña, Andrés Pricto Muriel, Juan Carlos García Castro.
José Demetrio Salgueiro sinala que a nova executiva “é moi representativa a nivel local, continuista pero con novas incorporacións de xente con moitas ganas de traballar que aportará novas ideas”. É unha executiva “integradora”.
O presidente local do PP, e alcalde, destaca que “o importante é manter a liña de contacto moi estreito cos veciños de todo o municipio, das parroquias, para seguir detectando necesidades e xestionar a súa solución”.
Salgueiro Rapa indica que “o obxectivo é manterse permanentemente cerca dos veciños, manter un diálogo permanente con eles e sempre tratando de sumar en beneficio do municipio”. Na mesma liña, sostén que “o PP é un partido do pobo e, como sempre, seguiremos tratando de facer todo o mellor posible para Xove; somos un partido moi cercano e imos seguir así”.
Proximidade e vontade de sumar
A dirección provincial do PP, pola súa parte, mostrouse convencida de que a nova executiva, baixo a dirección de Salgueiro Rapa, fará un intenso traballo nos próximos meses que dará como resultado unha nova ampla vitoria ao PP en Xove nas vindeiras eleccións locais. Xove, segundo indicaron, é un exemplo de como entende o PP a proximidade aos veciños e a vontade de traballar para sumar en beneficio do municipio. A dirección provincial destacou a importancia das próximas eleccións para conseguir gobernos locais, que, como o de Xove, loiten por frear e reverter a perda de recursos de A Mariña e reparar os danos causados polas erradas políticas do Goberno presidido por Pedro Sánchez.
Os membros da dirección provincial destacaron “o compromiso indiscutible” de toda a candidatura, cuxo traballo reverterá “en seguir facendo deste municipio un referente en toda A Mariña. Son homes e mulleres con experiencia e, que, por riba de todo, queren o mellor para o seu concello”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
