Este outono son 55 as entidades que teñen reservadas as súas viaxes pola provincia e na primavera foron preto de 1.800 persoas as que se beneficiaron da iniciativa provincial
Lugo, 27 de setembro de 2022. Veciñas e veciños de oito concellos da provincia participarán esta semana no programa Coñece a túa provincia da Deputación de Lugo. Son en total unhas 165 persoas dos municipios de Lugo, Monforte, Begonte, Outeiro de Rei, Portomarín, Xermade, Alfoz e Riotorto as que, dende este martes e ata o venres, percorrerán o territorio lucense grazas ás viaxes gratuítas que impulsa a institución provincial para colectivos sen ánimo de lucro.
Este martes, a Asociación de Mulleres Empresarias da Provincia de Lugo e a Asociación de Veciños de Ribasaltas, de Monforte de Lemos, viaxan á Ribeira Sacra e á Mariña, respectivamente. As emprendedoras saíron de Lugo, con parada no Mazo de Santa Comba, antes de continuar a súa ruta cara a igrexa de San Estevo de Ribas de Miño, asomarse ao miradoiro do Cabo do Mundo e facer un percorrido polo Miño nun dos catamarán da Deputación de Lugo. Os monfortinos coñeceron a Granxa Gayoso Castro da institución provincial para logo poñer rumbo a Burela, para visitar o porto pesqueiro e o barco-museo boniteiro Reina del Carmen. Desfrutarán das vistas panorámicas das praias de Foz dende o paseo marítimo e percorrerán a vila, rematando logo a viaxe visitando a basílica e o centro de interpretación de San Martiño.
Mañá mércores, a Asociación de Veciños de Montenegro de Baamonde, en Begonte, coñecerá a Granxa Gayoso Castro antes de viaxar á Mariña, e a Asociación de Veciños Ríos Miño e Ladra de Martul, en Outeiro de Rei, pararán no Pazo de San Marcos antes de continuar cara Sarria. O xoves, a Asociación de Veciños de Vilar Vilaxuste, de Portomarín, e o colectivo Amuraxe, de Xermade, serán as protagonistas do Coñece a túa provincia con viaxes a Barreiros e Ribadeo no primeiro caso, e Taboada e Chantada no segundo. Finalmente, o venres, as asociacións de veciños Pena Abaladoira O Pereiro, de Alfoz, e a de Santa Marta de Meilán, de Riotorto, viaxarán á Ribeira Sacra. Os primeiros con paradas en Sober e Monforte, e os segundos con cita no Saviñao.
Nesta segunda edición deste programa de viaxes da institución provincial, que comezou na primavera, xa se beneficiaron máis de 2.000 persoas. Este outono son 55 as asociacións e colectivos lucenses os que contan coas súas reservas para viaxar pola provincia ata o mes de novembro.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo.
Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
