Foz, 18 de outubro de 2022. A asociación O Noso Foz e o Concello preparan a celebración do próximo sábado no Campo da Cabana na que se elixirá democraticamente a próxima Raíña do Entroido de Foz entre tres candidatas.
A concelleira de Cultura, Ines López Couto, explica que “será raíña porque no período de presentación de solicitudes todas as recibidas foron femininas, polo que o actual Rei, Roberto Gómez, cederá a súa coroa no mes de febreiro, con total seguridade a unha muller. Inicialmente foron seis as solicitudes recibidas, mais finalmente, por motivos persoais, tres decidiron non optar á elección e serán tres as candidatas á prezada coroa. Son nomes moi coñecidos en Foz e no seu Entroido, que xa defenden a súa candidatura: Uxía Valmayor Forés, da comparsa Sin Xeito; Icía Fernández Gómez, da comparsa As Farangullas; e Lucía López Lombardero, da comparsa Maloserá. Todas teñen unha enorme ilusión de encabezar o desfile focense”.
Dende a Concellería de Cultura móstranse “moi optimistas para esta pequena celebración, aperitivo do próximo febreiro, no que esperamos seguir mellorando o Carnaval focense. Man a man coa asociación O Noso Foz prepárase a carpa que se situará no emblemático Campo da Cabana e que contará con servizo de bar e pulpería”.
O presidente de O Noso Foz, Ángel Fernández Neira, comenta: “rematadas as San Lucas, quixemos facer unha pequena homenaxe ás feiras e verbenas clásicas galegas, polo que haberá zona de mesas para comer pulpo, churrasco e incluso queixo con marmelo”.
O evento contará con xurado (cunha valoración cun peso do 40 por cento) e con votación popular (do 60 por cento). Para votar e acudir ao evento será necesario mercar as entradas, que se venderán o mesmo sábado no acceso á carpa a partir das 18.00 horas a un prezo de 2 euros, e nas que figurarán os nomes das aspirantes para poder exercer o dereito a voto. Comezará ás 20.00 horas cunhas pequenas probas coas que o público poderá valorar a vea carnavaleira das candidatas. Durante toda celebración unha vez finalizadas as probas Eventec poñerá a música. Despois da deliberación do xurado e do reconto dos votos, ás 12 da noite será anunciada a gañadora, que comezará a traballar para reinar no próximo Entroido focego. A festa continuará para quen queira seguir gozando.
Dende a comisión organizadora e o Concello recomendan “engalanarse co disfrace que todo o mundo prefira para dar cor e ánimo ás candidatas e ao outono focego”.
A comisión de festas ten outra novidade para este evento: saen á venda unhas camisetas conmemorativas dun dos días máis especiais do Carnaval de Foz, como é o Baile do Farolillo. O artista mariñán Davixino fixo un deseño que se estampa nunhas camisetas en tonos beis e gris e que se poderán mercar ou reservar na mesma caseta de venda de entradas ao prezo de 15 euros.
O evento contará con máis sorpresas, “pero para descubrilas terás que acudir e formar parte da emoción do Entroido de Foz”, finaliza Inés López Couto.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
