O eurodeputado socialista insiste no potencial do sector pesqueiro galego e esíxelle á Comisión Europea que suspenda a prohibición e volva avaliar o Regulamento de augas profundas
Estrasburgo, 20 de outubro de 2022. O Regulamento de augas profundas, que entrou en vigor o pasado 9 de outubro e polo que se prohibe a pesca de fondo en 87 zonas distribuídas entre España, Francia, Irlanda e Portugal, volveu a dar o presente na sesión plenaria do Parlamento Europeo deste xoves. Os europarlamentarios socialistas esixíronlle, de novo, á Comisión Europea que suspenda a execución do mencionado regulamento ao impactar negativamente nas comunidades costeiras, estreitamente vinculadas á pesca.
O eurodeputado galego Nicolás González Casares, membro suplente da Comisión de Pesca, referiuse ao sector pesqueiro de Galicia como “o máis potente da Unión Europea” e pediu “respecto pola pesca e pola xente do mar que se está vendo agredida polas decisións da Comisión Europea” adoptadas “sen verdadeiro peso científico”. Casares sinalou “o dano socioeconómico” que implica a aplicación do regulamento e criticou que se lle achaque aos Estados membros a responsabilidade de paliar estes prexuízos coas axudas do Fondo Europeo Marítimo de Pesca e Acuicultura (FEMPA). “Os pescadores non queren subvencións nin indemnizacións, o que queren é saír a pescar”, subliñou.
O socialista esixiulle ao comisario de Medio Ambiente, Océanos e Pesca, Virginijus Sinkevičius, que suspenda o regulamento e o volva avaliar ante un panorama que se presenta “insostible para a xente da pesca”. “A autonomía estratéxica, os produtos sans, saudables e peixes nos mares sostibles europeos”, defendeu Nicolás González, debe ser a aposta da UE e non esa incipiente apertura a uns “produtos pesqueiros e unha importación menos sostible”.
“Fomos ficando sós / o mar o barco e máis nós”, con estes versos do poeta de Rianxo Manuel Antonio, Casares remataba a súa intervención na Eurocámara, alertando da soidade que poden sentir “os nosos pescadores, a nosa xente do mar” se non se paraliza este regulamento e se adoptan medidas que protexan e impulsen ao sector pesqueiro.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
