“Os mozos e mozas son unha parte fundamental do proxecto do Partido Popular porque representan o futuro da provincia”, asegurou Candia
Portomarín, 2 de outubro de 2022. A presidenta do PP da provincia de Lugo, Elena Candia, dirixiuse aos mozos e mozas durante a clausura do encontro ‘Xuventude no Camiño’ celebrado este domingo en Portomarín para lembrarlles que “o Partido Popular da provincia ten as portas abertas para todos e todas aquelas que queiran coñecer o noso traballo e, por suposto, achegar as súas propostas para enriquecer o noso partido. Queremos escoitarvos e unirvos ao noso proxecto”. Candia lembrou que “Portomarín conta co alcalde máis novo da provincia” poñendo en valor o seu traballo á fronte do goberno. Pablo Rivas, que tamén preside o PP local, foi o encargado de dar a benvida a este acto sectorial.
A dirixente popular sinalou tamén que “os mozos e mozas representan ao futuro da nosa provincia e, polo tanto, constitúen unha parte fundamental do proxecto do Partido Popular que está a sumar novos afiliados, tamén de menos de 30 anos, que están demostrando que hai xente moza con ganas de facer cousas e emprender proxectos vinculados ao noso territorio”.
Candia destacou, así mesmo, “a importancia do Camiño de Santiago para a provincia ao reunir valores sociais, culturais, medioambientais e económicos que comparte tamén o noso proxecto. O Camiño é unha fonte de oportunidades para os mozos e mozas como puidemos coñecer hoxe aquí en Portomarín”. Nese sentido, trasladou o seu agradecemento a Javier Pitillas -impulsor da asociación Discamino- e Izan Castro -un dos integrantes- xunto a Yelco Zarza, xerente da scape room ‘Aventura no Camiño’, por compartir as súas experiencias nesta xornada e permitirnos “seguir aprendendo” e “construíndo entre todos unha sociedade mellor”.
Exemplos de esforzo, traballo e superación
O acto sectorial organizado pola Comisión de Xuventude do PP da provincia contou con numerosos asistentes mozos que participaron tamén previamente nun pequeno percorrido a pé pola contorna do Camiño de Santiago dende a estrela dos desexos ata o Parador ‘Pousada’ onde se desenvolveron as conferencias de Javier Pitillas, presidente de Discamino, e Yelco Zarza, de ‘Aventura no Camiño’, antes da intervención de Cristina Pichel.
A vicesecretaria de Xuventude do PP de Lugo, Patricia Teijeiro, sinalou durante a súa presentación que os obxectivos da Comisión son “poñer en valor e visibilizar os grandes proxectos da nosa mocidade, neste caso, vencellados ao Camiño de Santiago. Neste ano Xacobeo, cremos que é unha boa forma de homenaxealo amosando a súa condición de dinamismo e perpetuidade na man das xeracións máis novas. Con elas queremos estar, ao seu carón, apoiándoos nas súas magníficas iniciativas que son un gran exemplo de traballo, esforzo e superación para outros mozos e mozas. O noso é un partido aberto onde queremos que todos e todas se sintan acollidos e atopen impulso para progresar e lograr as metas que se propoñan”.
O acto rematou cuns petiscos e animación musical.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
