Burela, 11 de outubro, 2022. A Asociación Esperanza comeza as súas actividades neste outono-inverno tendo como obsectivos preferentes a recadación de fondos para fomentar a investigación cara a mitigar os efectos da enfermidade, e sensibilizar á veciñanza na idea central de que a loita contra desta enfermidade é cousa de todos.
Centrándose neste segundo obxectivo, Esperanza considera prioritario informar e formar aos máis novos; por iso, organiza a I Xornada Escolar de sensibilización e prevención do cancro, gracias á colaboración do voluntariado da Fundación ALCOA. Dirixida ao alumnado de sexto de primaria dos CEIPs Virxe do Carme e Vista Alegre, denselvolverase este venres 14 de outubro pola mañán, na Praza de Abastos. O esquema da xornada consiste en charlas e ponencias informativas e de prevención impartidas por persoal facultativo e médicos residentes do Hospital da Costa, seguidas de coloquio con preguntas e elaboración de debuxos sobre o tema. Un almorzo saudable e entrega de regalos pechará a xornada.
Esperanza confía en que esta I Xornada de sensibilización e prevención do cancro dirixida á poboación infantil motive ao resto da veciñanza a implicármonos nunha loita que consideramos que é cuestión de todos e cada un de nós. Por iso queremos agradecer aos dous CEIPs, Virxe do Carme e Vista Alegre, a súa colaboración; e tamén ao Hospital da Costa e aos facultativos e médicos residentes Tarek Abadi García, Juan José Lorenzo Otero, Diego Fole Eimil, Carmen Herrero Muñoz, Miriam Salido Mediavilla, Lidia González Martín, Lucías Capeáns González e Alba Varela Arrojo a súa imprescindible colaboración. Tamén queremos ter un recoñecemento especial á Fundación ALCOA e ao voluntariado da mesma, base fundamental para a realización de esta xornada.
ESPERANZA APORTARÁ 1.500,00 EUROS A GEICAM
O vindeiro mércores día 19 instalaranse as xa tradicionais mesas de cuestanción para a loita contra o cancro tanto no Hospital da Costa coma na Praza do Concello. Indicar que Esperanza fará ao GEICAM unha aportación 1.500,00 euros nos vindeiros días, dando cumprimento ao primeiro obxectivo da asociación, a recadación de fondos para millorar a investigación na loita contra a enfermidade.
CURSO PILATES
Este mes tamén comezou un curso de pilates específico para socios, básico e adaptado ás circunstancias personais, que vén a ser a primeira actividade que se desenvolve neste outono-inverno.
A Asociación Esperanza agradece a colaboración que segue a ter da veciñanza de Burela e especialmente das persoas que se van sumando á asociación.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
