Foz, 3 de outubro de 2022. O alcalde de Foz, Fran Cajoto, visitou hoxe, luns, o IES de Foz co conselleiro de Educación, Román Rodríguez, e con varios concelleiros do goberno, ante o inicio inminente das obras que permitirán a substitución de ventás e mellora da iluminación -entre outros traballos- dos edificios A e B, os máis antigos do centro. As obras, de algo máis de 1,2 millóns de euros, son financiadas con cargo á Unión Europea en 988.000 euros, sendo os restantes 247.000 aportados pola Xunta de Galicia con fondos propios.
Pendente de publicar a adxudicación definitiva, o rexedor municipal pide colaboración á empresa que resulte do proceso de contratación “para programar os traballos de xeito que interfiran o mínimo posible coa actividade académica do centro, xa que se van levar a cabo durante o curso académico”. Son unhas obras que Fran Cajoto cualifica de “moi necesarias. Estamos colaborando coa Consellería en distintos ámbitos: no educativo pedímoslle sensibilidade ao conselleiro co CEIP Fondo Nois, que ten máis de 50 de anos e que sen encontra en mal estado. Hoxe mesmo estamos a substituír un canlón de desaugue que se encontraba en moi mal estado, polo risco que supón para os cativos. Ten a mesma idade que o CEIP nº1 pero nunca foi reformado e cada vez é máis urxente actuar nel. Outros dos plantexamentos que se achegaron desde o Concello é o acondicionamento dunha área de estacionamento e parada de autobús dentro dos propios terreos do instituto para mellorar a seguridade e a comodidade do transporte. Hai problemas de xestión que queremos solucionar e agardamos tamén un aumento de prórroga para a construción da pista multideporte do Cantel, xa que o prazo que deu a Consellería está a resultar un problema para todos os concellos que optamos á convocatoria. Cremos que a única forma de progresar é a colaboración leal entre administracións”.
Fóra do ámbito educativo, na carteira de Cultura, que tamén corresponde ao conselleiro Román Rodríguez, o alcalde recordou unha débeda histórica da Xunta de Galicia co Concello de Foz: “somos o segundo concello da Mariña e seguimos sen un auditorio para poder facilitar a programación cultural que merecen ás nosas veciñas e veciños. Concellos de menos de 5.000 habitantes dispoñen del e Foz supera amplamente os 10.000. Pedímoslle ao conselleiro que non se esqueza de Foz”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
