O programa presentouse nun foro de debate sobre as liñas a seguir de cara a unha estratexia estatal para o sector, organizado por WWF en Madrid
smart
Lugo, 25 de outubro de 2022. O programa de prevención de incendios de Medio Rural da Deputación de Lugo “O que non arde” presentouse esta mañá en Madrid, no marco da xornada de presentación da Proposta de bases técnicas para unha estratexia estatal de gandeiría extensiva organizada por WWF en Madrid.
Durante a intervención, nunha mesa redonda na que se expuxeron as mellores iniciativas públicas en apoio á gandeiría extensiva desde as administracións locais, a delegación de Medio Rural repasou a evolución do programa, pioneiro no ámbito dunha institución provincial e centrado na promoción do pastoreo en extensivo como ferramenta para reducir a biomasa en zonas forestais. Nesa lña, incidiuse na adaptación do programa ás necesidades formuladas por gandeiras e gandeiros, procurando enfocar as axudas en medidas que atendan á realidade do sector. Concretamente, a última convocatoria do programa, aprobada a pasada semana, establece axudas para investimentos relacionados con peches e sistemas de rotación e manexo de gando ovino, cabrún e porcino.
Durante a intervención, tamén se deu eco a outras iniciativas de promoción e apoio á gandeiría extensiva impulsadas dese a área de Medio Rural , como a plataforma Son de Lugo, que facilita a venda directa dos produtos aos consumidores, ou o programa “Da Escola á Granxa”, que pon en valor o traballo de gandeiros e gandeiras na produción de alimentos e na conservación do territorio.
A deputada de Medio Rural Mónica Freire sinalou que “a presentación de “O que non arde” no contexto desta xornada supón un recoñecemento e respaldo para as accións que vimos desenvolvendo desde a área de Medio Rural, centradas fundamentalmente no apoio aos gandeiros e gandeiras que apostan por modelos extensivos, que xeneran riqueza e traballo no rural mantendo o territorio e producindo alimentos de calidade”.
Os proxectos de Medio Rural expuxéronse ante as 150 persoas asistentes á xornada, entre eles, representantes de distintas entidades privadas e administracións que participaron como consultores na redacción da Proposta de bases técnicas para unha estratexia estatal de gandeiría extensiva. O documento pretende servir como referencia no deseño de políticas públicas relacionadas cun sector estratéxico desde o punto de vista económico, social e ambiental.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
