A Volta ao Cole é unha carreira solidaria que se celebra cada ano en centos de centros educativos e o maior movemento de sensibilización na loita contra este tipo de cancro, o máis frecuente en nenos
Burela, 25 de outubro de 2022. O IES Perdouro únese á loita contra a leucemia infantil coa celebración, o próximo 28 de outubro, da 8ª edición da Volta ao Cole da Fundación Unoentrecienmil, que se dedica a impulsar proxectos de investigación para a curación plena da leucemia. Trátase dunha carreira solidaria na que este ano participan case 600 centros educativos de toda España. Ata a data recadáronse 1.700.000 euros.
No caso do IES Perdouro, 120 alumnos de 1º e 2º ESO acompañados polo profesorado iniciarán a carreira a partir das 10:15 h o venres 28 de outubro. O percorrido ten practicamente 800 metros por volta e discorrerá polo Camiño dos Colexios, desde o cruce do hospital ata a gardería A Galiña Azul.
Esta é unha ocasión única para transmitir valores de empatía e solidariedade aos escolares desde os seus colexios. Trátase de nenos axudando a nenos. Desta forma, tanto os pequenos como as súas familias únense á causa de Unoentrecienmil que persegue a curación plena da enfermidade.
En España diagnostícase un caso diario de leucemia, que supón o tipo de cancro máis frecuente entre os nenos. Unha situación difícil e angustiosa para as familias xa que un 20% deles non logra superalo. O propósito da fundación é conseguir que se curen o 100% deses pequenos. E iso só pode pasar investindo en investigación.
Un Cole Entrecienmil
Desde o inicio desta iniciativa, en 2015, a Fundación foi engadindo Colexios Entrecienmil, en concreto son xa máis de 3.000, moitos dos cales cada ano repiten e supoñen un apoio fundamental no impulso dos proxectos de investigación que se puxeron en marcha.
Este ano, as familias tamén poden participar desde as súas casas accedendo a través dun código QR á páxina da fundación e asinando unha petición para conseguir máis investigación.
1 euro = 1 dorsal = Investigación
Para correr na Volta ao Cole, cada participante recibe un dorsal e un diploma a cambio dunha doazón dun euro. Os colexios organizan o percorrido que mellor se adapta ás súas instalacións e previamente trabállase cos nenos nas aulas para explicarlles a importancia da carreira e o que significa o seu apoio, como parte dos contidos transversais da súa educación. Non é competir ou gañar, se non apoiar, correr, loitar, conseguir, superar, motivar, avanzar, traballar en equipo.
Bolsas de investigación
Desde 2012, Unoentrecienmil outorgou 15 bolsas para proxectos de investigación relativos á curación plena da leucemia infantil: prevención, protocolos, toxicidade, recaídas e inmunoterapias, entre outros. Entre os seus destinatarios destacan os mellores investigadores españois especializados neste campo, pertencentes aos hospitais universitarios da Paz, Niño Jesús, o SJD Pediatric Cancer Center Barcelona, ou a entidades científicas como o Instituto de Investigación Josep Carreiras, Centro de Bioloxía Molecular Severo Ochoa ou as universidades de Salamanca e a Complutense. En total investíronse 3.500.000 euros.
Aceleradora Unoentrecienmil é o proxecto da Fundación que incorpora o exercicio físico como parte do tratamento, tras levar a cabo unha investigación que demostra que a práctica de deporte acelera a curación do cancro e diminúe un 17% o tempo de hospitalización. A primeira Aceleradora Unoentrecienmil abrirá as súas portas nunhas semanas no Hospital Universitario La Paz de Madrid.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
