A mobilización terá lugar o próximo domingo 20 de novembro, coincidindo co día mundial da infancia, ás 12 horas
A Mariña 17 de novembro de 2022. A Plataforma Sanitaria da Mariña organiza unha concentración diante do centro de saúde de Viveiro o vindeiro domingo ás 12 horas para denunciar a falta de pediatras .
O acto reivindicativo, en formato de performance, consiste en que as veciñas e veciños acompañados das crianzas acudan ao centro de saúde cun boneco ou peluche; @s activistas do colectivo sanitario repartirán babeiros de papel para colocarlle aos bonecos cunha mensaxe reivindicativa. Depositarsanse os bonecos cos babeiros postos diante do centro sanitario.
Malia que a situación afecta a prácticamente todas as localidades, a situación máis grave está a darse nestes días en Viveiro, pois faltan os dous pediatras que atenden o centro de saúde. Neste centro aténdense máis de mil seiscentas crianzas e a carencia no servizo afecta tamén ás localidades veciñas de Ourol e Vicedo. A situación de desesperación levou a varias familias a denunciar a situación diante dos medios de comunicación e a contactar coa Plataforma Sanitaria para solicitar axuda.
O colectivo sanitario foi informado de que a primeira cita dispoñible para pediatra en Viveiro é para o día 2 de decembro e que se está a derivar ás crianzas cara ao servizo de urxencias ante a imposibilidade de ser vistas por un/ha facultativ@ en Viveiro. Segundo comenta a coordinadora da plataforma, Montse Porteiro, a situación é crítica e promovida polo desleixo continuado do Sergas e o goberno da Xunta durante trece anos,” que non puxeron os medios para solucionalo de xeito deliberado e formando parte dunha estratexia destrutora da sanidade pública dirixida á privatización da sanidade”. As palabras verquidas recentemente pola xerenta do Sergas advertindo que temos que acostumbrarnos a que non haxa pediatras nos centro de saúde son absolutamente escandalosas e “confirman o que vimos advertindo desde este colectivo en relación ao desmantelamento da sanidade pública, incidindo de xeito máis virulento sobre a Atención Primaria, xa que esta é a base do sistema sanitario; o desmantelamento deste nivel asistencial fará que a atención hospitalaria caia coma un castelo de naipes”- conclúen desde o colectivo.
A Plataforma Sanitaria tamén redactará reclamacións colectivas demandando cobertura dos pediatras
Nesta concentración a Plataforma Sanitaria redactará tamén reclamacións colectivas nas que se demanda a cobertura dos pediatras ausentes, dándoselle rexistro posteriormente no Hospital da Mariña.
Animamos a todas as veciñas e veciños a que se acheguen ao centro de saúde a participar deste acto reivindicativo de xeito multitudinario e que fagan efectiva a súa reclamación, xa que a loita colectiva e quen de lograr que se fagan realidade as nosas demandas.
O Concello de Viveiro apoia a concentración
O Concello de Viveiro súmase ás reivindicacións da plataforma “Salvemos a Sanidade Pública” para reclamar melloras no servizo de pediatría do municipio. A plataforma convoca unha concentración para este domingo, 20 de novembro, ás 12 da mañá fronte ao centro de saúde.
A convocatoria, baixo o lema “Nin un só día sen pediatra” denuncia a falta de pediatras no centro de saúde de Viveiro. Esta circunstancia obriga ás familias a desprazarse a outros municipios para que os cativos e cativas reciban atención médica.
Esta semana, a alcaldesa de Viveiro, María Loureiro, cualificou de “inaceptables” os problemas do servizo de pediatría no centro de saúde da vila. A estes problemas súmase tamén a falta de profesionais médicos noutras áreas.
“A Xunta de Galicia non está a tomar medidas para remediar esta situación, que pon en risco un servizo básico e esencial como é a sanidade pública e, en concreto, a atención primaria”, recorda Loureiro.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
