O portavoz popular, Javier Castiñeira, destaca que a modificación de crédito que pretende facer o goberno local representa un 10% do importe total do orzamento
Foz, 7 de novembro de 2022. O goberno de Foz, presidido polo socialista Fran Cajoto, ten dadas sobradas mostras da súa limitada capacidade de xestión. O portavoz popular, Javier Castiñeira, indica que “unha vez máis temos que denunciar a incompetencia e a falta de xestión do señor Cajoto e do seu equipo, un equipo de goberno que é o máis amplo e o máis caro que xamais tivo o Concello de Foz; neste caso demostra unha vez máis a súa incompetencia á hora de xestionar as contas municipais”.
Castiñeira explica: “Hai poucos meses aprobáronse os orzamentos para este mesmo ano 2022, que viñeron tardíos e con dificultades das que apercibiu o PP no mesmo pleno. Había partidas que eran absolutamente insuficientes, debido a alta inflación e á suba dos custos; comparado con anos anteriores, entendíamos que serían insuficientes”. Agrega: “Pasou o que viña dicindo o PP, como pasa moitas veces. E agora convócannos a un pleno extraordinario para aprobar unha modificación de crédito do orzamento, por case un 10% do que ten o orzamento (802.000 euros), cos que basicamente se suplementa as partidas que dicía o PP. Por exemplo, de enerxía eléctrica 225.000 euros máis, e traballos como acondicionamento de camiños que tamén se levan cantidades grandes”.
Unha vez máis, sinala o portavoz popular, “o PP volveu ter razón cando dicía que os orzamentos que presentaba o señor Cajoto non eran reais, e non contemplaban a inflación”. Engade: “Agora, a finais de ano veñen 802.000 euros máis, o que practicamente representa un 10% dos orzamentos que se aprobaron hai uns meses”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
