A Mariña, 19 de novembro, 2022. Desafiando á meteoroloxía adversa, máis de medio cento persoas reuníronse ás 11:30 do día de onte no Castelo da Frouxeira para izar unha gran bandeira galega. O acto realizouse simultaneamente con outros similares en vilas e cidades galegas, coincidindo co 104 aniversario da I Asemblea nacionalista celebrada en Lugo polas Irmandades da Fala.
Segundo Anxo Martíns, coordinador de Vía Galega na Mariña, coa campaña pretendese “popularizar e divulgar os nosos símbolos nacionais, dando a coñecer a súa historia e o seu significado. En definitiva, de reforzar a nosa identidade colectiva para reclamar os dereitos que como nación a Galiza lle corresponden”.
A bandeira izada recolle o escudo realizado por Castelao, en palabras do seu autor “representativo tanto da nosa historia como da alianza entre as clases traballadoras do país”.
No acto tamén se leron poemas alusivos á nosa bandeira e ao noso país e explicouse o significado do texto do noso himno sen os erros alleos á vontade do creador da súa letra, Eduardo Pondal.
Finalizouse coa lectura dun manifesto, chamando a “defender a nosa cultura, utilizar a nosa lingua, cantar o noso himno e exhibir a nosa bandeira” para contribuír a rematar “coa substitución do propio polo alleo”, e co canto do Himno galego acompañado por unha gaita do país.
Nesta campaña de divulgación dos nosos símbolos nacionais, que se realiza coa colaboración da Vicepresidencia da Deputación de Lugo, distribúense ademais un caderno sobre a orixe, historia e significado da bandeira e do himno, e unidades USBs coa gravación do himno conforme ao texto orixinal.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
