O Ministerio para a Transición Ecolóxica e o Reto Demográfico vén de conceder 13 axudas a entidades locais para levar a cabo proxectos innovadores de transformación territorial que propicien a reactivación social e económica en concellos do reto demográfico
Trabada, 25 de novembro de 2022. O delegado do Goberno en Galicia, José Miñones, destacou hoxe no Concello de Trabada a intensa colaboración do Goberno cos municipios pequenos “para facer fronte ao reto demográfico e a loita contra o despoboamento, fomentando a cohesión territorial e a igualdade de oportunidades vivas onde vivas”. Alí, José Miñones informou que o Ministerio para a Transición Ecolóxica e o Reto Demográfico (Miteco) vén de conceder 13 axudas a entidades locais galegas, por un total de 2,3 millóns de euros do Plan de Recuperación, para levar a cabo proxectos innovadores de transformación territorial, que desde unha dimensión económica, social, medio ambiental e de xénero propicien a reactivación social e económica de zonas con problemas de despoboamento en Galicia.
O delegado, acompañado da alcaldesa de Trabada, Mayra García, visitou a escola unitaria de Vilapercide, onde o Concello desenvolverá parte do programa “Quédate en Trabada”, que financia o Miteco con 142.184 euros, unha iniciativa que busca implementar políticas públicas que integren novos servizos e oportunidades laborais, fixando novos habitantes no municipio, co obxectivo de mellorar a calidade de vida e o benestar dos veciños e veciñas da vila. “Hoxe temos aquí un dos exemplos máis recentes da colaboración do Goberno cos municipios galegos. Son proxectos que supoñen un antes e un despois para a veciñanza dos pequenos concellos. Este é o caso de Trabada, e é o caso do resto dos 13 proxectos que imos financiar en Galicia, tres deles nesta provincia de Lugo”, avanzou José Miñones que subliñou que “Galicia está chea de talento e oportunidades capaces de reincorporar ao medio rural, transformándoo e traballando nunha recuperación verde, dixital, inclusiva e sen brechas de xénero, en liña cos eixos do Plan de Recuperación”.
O delegado sinalou que o Goberno pon en marcha este programa de axudas para ofrecer ás persoas que viven no rural “os servizos e atención que merecen, servizos de calidade para poder seguir vivindo nas súas casas. Porque Galicia non pode permitirse vivir sen contar cos seus pobos”. Grazas a esta axuda o Concello de Trabada creará un servizo de atención domiciliaria dirixido ás persoas maiores do municipio, ofrecerá vivenda ás persoas traballadoras e realizará actividades orientadas a romper a fenda dixital e dinamizar a vida na vila.
“O futuro dos concellos do rural pasa por aplicar emprendemento e innovación á súa actividade económica para achegar novo investimento e convertelos nun polo de atracción e retención de poboación. Por iso, dende o Goberno apoiamos proxectos como o de Trabada, que son un verdadeiro exemplo da importancia de situar ás persoas no centro das políticas públicas”, subliñou Miñones. Durante o encontro, o delegado explicou que sete dos trece proxectos que financia o Miteco en Galicia son de concellos de menos de 4.000 habitantes, “unha boa mostra da implicación do Goberno cos concellos denominados do Reto Demográfico”.
Así mesmo, afirmou que este programa do Ministerio para a Transición Ecolóxica e o Reto Demográfico demostra a aposta do Goberno polo municipalismo e a continua colaboración cos concellos, “porque entendemos que o reto demográfico é un desafío de todos”.
Internet de banda ancha en Trabada
José Miñones exemplificou tamén esa cooperación coa dotación de internet de alta velocidade de máis de 1.000 vivendas e empresas de Trabada, a través do Programa estatal ÚNICO Banda Ancha. “Estamos a falar de garantir a conectividade de máis de 300 megas á práctica totalidade do territorio deste municipio, en 198 zonas que hoxe non dispoñen deste tipo de cobertura”, salientou Miñones.
Datos por provincias
Dentro destas axudas do Plan de Recuperación para proxectos de Reto Demográfico, Ourense recibe 986.747 euros para financiar 6 proxectos, 5 deles para concellos pequenos (A Veiga, O Irixo, San Xoán de Río, Parada de Sil e Carballeda de Avia), ademáis dun impulsado polo INORDE, dependente da Deputación de Ourense.
En Pontevedra, a inxección alcanza os 835.465 euros para 4 iniciativas do Concello de As Neves, a AECT Río Miño, a Mancomunidade do Salnés e a Deputación de Pontevedra.
En Lugo son un total de 657.317 euros para tres proxectos de Trabada, a Deputación de Lugo e a Fegamp, esta última cunha iniciativa que se desenvolverá na montaña lucense.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
