Ribadeo, 24 de novembro de 2022. Do 25 ao 27 de novembro celébranse en Ribadeo as Xornadas de Exaltación da Lura e o Black Friday, organizadas por Acisa. En total participan preto de 60 locais asociados.
Carmen Cruzado, presidenta de Acisa indicou que “chega unha fin de semana cargada de ofertas en Ribadeo. Dende a nosa asociación quixemos facer desta última fin de semana de novembro unha data especial para que a veciñanza se anime a saír da casa. Estes días Ribadeo ofreceralles os mellores descontos e promocións dos nosos comercios e as mellores propostas gastronómicas na nosa hostalaría”.
O xerente de Acisa, Jesús Pérez, sinalou: “qué mellor plan para esta fin de semana que saír de traballar o venres e facer esas compras pendentes, e despois desfrutar dunhas cañas ou dunha cea co calamar como protagonista. Qué mellor que vir a pasar o sábado a Ribadeo, nun dia de compras nos mais de 30 comercios participantes neste Black Friday, xa sexa de moda, calzado, electrónica, regalo…. o que necesites o atoparás en Ribadeo. E ademais podes aproveitar para comer coa familia nun dos 20 establecementos participantes nas nosas xornadas da lura. Sen esquecernos de que Ribadeo abre as súas tendas o domingo pola maña e o noso Black Friday chega ata esa xornada”.
Cruzado Iglesias engadiu: “e se a todo isto lle sumamos que podemos empregar a campaña das Panchas tanto para facer as compras como para comer, cear ou tomar algo, nos máis de 100 negocios participantes, no que grazas ao Concello de Ribadeo, regálanche 10 Panchas por cada 30 euros de gasto… non se nos ocorre mellor plan e mais que dicir para que este fin de semana a xente se anime a vir a Ribadeo”.
Pérez Prada continúa: “desde mañá e ata o domingo en Ribadeo poderase desfrutar das xornadas de exaltación da lura nas que participan 20 establecementos de hostalaría, ofrecendo tapas, racións, pratos especiais. Hai variedade de arroces con calamar, bocadillos, croquetas, fabas con calamar, albóndigas, empanadillas,….. moitas propostas para saborear a lura, que encherán a hostalaría ribadense estes días. E no comercio nas mesmas datas e con motivo do BlackFriday atoparemos grandes descontos e promocións do 10 e ata o 70 % en diversas tendas de moda home, muller, xove, calzado, complementos … grades marcas con prezos super reducidos, 3×2, 2×1… descontos en decoración, en telefonía, en servizos informáticos, saúde dental, …”
O xerente de Acisa manifestou: “parécenos moi importante recordar que sen dúbida esta fin de semana é unha gran oportunidade para utilizar a campaña das Panchas ou o Bono Activa Comercio, xa que se aos grandes descontos que as tendas van aplicar lle sumas os cartos que o Concello che regala mais os descontos do Bono Activa Comercio, algunha compra podería chegar a estar cerca de ser un regalo. Polo tanto, parécenos esencial recordarllo aos veciños e veciñas de Ribadeo e de toda a contorna. E non esquezamos que as Panchas tamén se poden empregar na hostalaría”.
A presidenta de Acisa, Carmen Cruzado, concluiu: “queremos agradecer de novo a colaboración da Deputacion de Lugo, concretamente da Area de Medio Rural e do Mar, que financiou a compra dos 250 kg de lura para estas xornadas cunha achega de 5.000 euros, grazas á que por primeira vez puidemos entregar de xeito gratuíto aos participantes en torno a 13 kg de calamar, a cada un, para as súas elaboracións nestas xornadas. E por suposto a todos os establecementos participantes tanto nas xornadas gastronómicas como no Black Friday, que se apuntaron para facer, estou segura, de Ribadeo un referente de ocio e compras nesta fin de semana”.
Os establecementos participantes no BlackFriday de 2022 son: Eomática, For Friends, La Moda Mujer, La Moda Básico, Siñeiro, Anaís, La Moda Sport-Dequip, La Moda Hombre, Beep, R23, Sendín, Ginzo Hombre Mujer, Mika, Sanjurjo, Esprit, Terra Branca, Grisi, Vitaldent, Mercería Torviso, Phonergy, Pepa Peineta, Menfer, Glass, Naná, Fauna, Bora Bora, Opticalia, Adele, Pequerrechos, La Coqueta, Pippol´s, Dándara, Farfala Kids, Del Río e Valentina.
Os locais participantes nas xornadas de exaltación da lura son: Bar Queimada, Galipizza, Bar Galicia, El Rincón del Gordo, La Quinta, A Horta de San Roque, Delicatés, O Indiano, La Solana, Rosalar, Cienfuegos, A Mirandilla, La Bugalla, Bar Portillo, Restaurante Javier Montero, O Alén, La Lira, San Miguel y Casa Domingo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
