Dende a Comisión Executiva Nacional de Compromiso por Galicia queremos lembrar á opinión
pública que o día 7 de outubro de 2019: Ana Pontón e Piñeiro Docampo asinaban en
Compostela un acordo para que CxG apoiase as listas do BNG ás xerais, formando parte das
mesmas persoas de CxG. Acadando conxuntamente máis de 120.000 votos o 10/11/2019. Nas
de 28/04/2019 o BNG tiña 93.810 votos. A suma de BNG+CxG puxo a Néstor Rego no Congreso.
Logo de ter acadado algún éxito para Galicia, a forza e presenza política de Néstor Rego foi diluíndose e practicamente desaparecendo “a influenza política de Néstor Rego en Madrid e exactamente a mesma que a da Ponte do Castro e Pedrafita: desaparecidos” manifestou Piñeiro Docampo, Secretario Xeral de CxG. “nos derradeiros orzamentos de Pedro Sánchez o BNG non consegue melloras para Galicia e opta pola posición conservadora da abstención, mais a abstención non paga a factura da luz e do gas, ou soluciona os problemas da pesca e dos gandeiros, ou nos conecta a Portugal, a abstención paga a presenza do BNG en gobernos das deputacións, iso pouco importa aos galegos e galegas” valorou Piñeiro Docampo.
Galicia leva tempo mal representada nas políticas do Estado e para tristeza de CxG este acordo non mellorou a situación. O BNG vota en contra ao incremento do gasto en defensa e despois irá a Ferrol a pedir carga de traballo para Navantia, dende CxG non podemos seguir compartindo esta folla de ruta e enviaremos ao BNG decisión de romper o acordo político do 7 de outubro de 2019 por falta de forza de Pais no BNG e exceso de posición ideolóxica, situando a Galicia na negociación do Estado por detrás de Cantabria.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
