Os populares teñen apoiado iniciativas doutros partidos que favorecen a Lugo, pero “aos socialistas non lles interesa resolver os problemas dos lucenses nin favorecer avances nas infraestruturas da provincia”
Lugo, 24 de novembro de 2022. Os deputados populares por Lugo no Congreso, Jaime De Olano e Joaquín García Díez, condenan que “unha vez máis, os deputados lucenses do PSOE dan as costas á provincia” ao votar en contra de todas as emendas presentadas polo Grupo Popular no Congreso aos PGE 2023.
Os populares emprazaban a semana pasada aos representantes lucenses socialistas no Congreso a votar de forma individualizada no pleno a favor das 30 emendas presentadas polos deputados lucenses do PP; despois de ter votado xa en contra na Comisión de Presupuestos. “Á vista deste novo voto en contra, queda claro que aos socialistas de Lugo non lles interesa resolver os problemas dos lucenses nin favorecer avances nas infraestruturas que demandan os veciños da nosa provincia. Os deputados lucenses do PSOE, unha vez máis, elixen a Sánchez antes que os intereses dos nosos veciños”. Os populares, pola contra, votaran favorablemente emendas doutros deputados “poñendo por diante os intereses da provincia e non as siglas políticas”.
As emendas presentadas polos representantes do PP lucense no Congreso tiñan como obxectivo “corrixir a falta de investimentos para avanzar en importantes infraestruturas para a nosa provincia”. Así, coas 30 emendas os populares solicitaban un incremento de máis de 47 millóns de euros de investimento para a provincia.
ALGUNHAS EMENDAS
A metade das 30 emendas presentadas polo PP ían dirixidas a corrixir déficits en materia de comunicacións por estrada con case 20 millóns de euros: avanzar na autovía da Mariña (A-74) paralizada polo Goberno de Sánchez; na A-56 entre Lugo e Ourense ou na circunvalación da A-76 en Monforte. Tamén reclaman a creación do intercomunicador entre a A-54 e a N-540 en Guntín; actuacións de conservación na N-540, na N-120 e na autovía A-6 na provincia de Lugo debido ao seu deficitario estado; a instalación dunha glorieta no p.k. 513,67 da N-VI, en Outeiro de Rei; a renovación do firme, trazado e sinalización na N-634 no tramo alternativo á A-8 cando e a renovación do trazado e o firme na estrada N-120A entre os p.k. 526,600 e 531,800, no concello de Pantón. Outras das propostas que recibiu o voto en contra dos socialistas foi o estudo do desdobramento da N-VI e das vías de servizo na A-6 ao seu paso polo municipio de Lugo.
Outra das propostas dos populares que contou co voto en contra dos deputados do PSOE é a dirixida á construción dunha nova Comisaría de Policía na cidade de Lugo. Tamén se posicionaron en contra da renovación da liña Monforte-Lugo do corredor noroeste, incluíndo as variantes de Rubián e Canabal-Os Peares, “imprescindibles para reducir os tempos de conexión” e tampouco apoiaron a proposta do PP para estudar a viabilidade para a conexión ferroviaria entre a cidade de Lugo e Santiago e de Lugo coa Mariña lucense; que é “unha iniciativa dos populares aprobada no Congreso sen contar tampouco co apoio do PSOE”.
Entre outras emendas, os deputados lucenses do Partido Popular tamén propoñían dotar de orzamento a redacción de estudo para declarar o proxecto de “Gran Senda do Navia” como obra de interese xeral; xa que o Goberno esqueceu a dotación necesaria para dar cumprimento ao acordo adoptado no Congreso a través dunha Proposición No de Ley do Grupo Popular.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
