Rouco cre que “Burela segue á cola da comarca debido ao goberno local socialista” tamén en relación á instalación do alumeado de Nadal “para animar a actividade típica destas datas”
Burela, 23 de novembro de 2022. “O goberno local socialista de Burela segue a escorrer o vulto”, segundo lamenta o voceiro popular, Manuel Rouco, que esixe “explicacións ao señor Llano sobre os seus incumprimentos sistemáticos”.
O popular incide en que “o señor Llano non está a cumprir co que lles prometera aos veciños da rúa Rosalía de Castro en relación ás obras de acondicionamento que está a executar o Concello. Despois de múltiples denuncias veciñais, decidiu reunirse con eles e prometeu presenza policial para regular o tráfico na zona; así coma a habilitación dun desvío por unha rúa paralela; pero nada de nada”.
“Aos comerciantes ambulantes prometeulles habilitar unha solución antes de final de ano para modificar a localización do mercado semanal, pero nada de nada. Tamén asegurou que o edificio da antiga Capitanía ía ter ascensor para facilitar ás persoas con dificultade de mobilidade o acceso ao segundo piso onde se atopa, por exemplo, o xulgado de paz; pero nada de nada”, engade Rouco.
Igualmente, explica que “o señor Llano tamén se comprometeu a aumentar o grao de transparencia e facilitar o acceso á información por parte dos veciños e veciñas; pero disto tampouco nada se sabe”. Neste sentido, o voceiro popular sinala que “en lugar de ter publicadas as modificacións do Plan Xeral de Ordenación Municipal (PXOM) no Portal de Transparencia, obriga aos veciños e veciñas a ir á Casa do Concello solicitar a documentación para consultar as modificacións, o que nalgúns casos, supón un trastorno para os bureleses”.
ALUMEADO DE NADAL
“E non só isto, o goberno socialista segue a cometer os mesmo erros unha e outra vez. Non nos referimos ás múltiples promesas electorais incumpridas; senón de asuntos de maior actualidade como, por exemplo, a falta do alumeado de Nadal nas nosas rúas que favoreza a actividade típica destas datas na nosa vila e, en especial, cando noutros concellos da zona xa se empezou a preparar”.
Rouco cre que “estas son as probas de que Burela, por desgraza, unha vez máis, debido ao goberno local socialista, segue á cola dos concellos da Mariña no canto de liderar a actividade na nosa comarca”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
