Os representantes do PP lucense tamén fixeron entrega das sinaturas recollidas polo Grupo Popular no Congreso en apoio ao manifesto en defensa do sector e contra a prohibición da pesca de fondo
Lugo, 5 de novembro de 2022. O PP da provincia de Lugo traslada o seu apoio ao sector pesqueiro lucense que se está a ver moi afectado polo vento á pesca de fondo por parte da Comisión Europea en 87 áreas do Atlántico nororiental. Nese sentido, os populares urxen ao Goberno de Pedro Sánchez a presentar canto antes o recurso ante o Tribunal de Xustiza da Unión Europea “recollendo as aportacións do sector e das Comunidades Autónomas afectadas para enriquecer e fortalecer os seus argumentos”.
Os deputados no Congreso Jaime De Olano e Joaquín García Díez mantiveron unha reunión con representantes da Cofradía de Pescadores Santiago Apóstol de Celeiro e varios barcos pesqueiros para coñecer como están a afectar ao sector estas primeiras semanas de veto trala que puideron constatar que “se ve moi prexudicado o palangre de fondo que, incomprensiblemente, foi incluído nesta prohibición”.
Así mesmo, fixeron entrega das sinaturas recollidas entre os deputados do Grupo Parlamentario do Congreso -entre as que se atopa a da portavoz e secretaria xeral do Partido Popular, Cuca Gamarra- en apoio ao Manifesto pola pesca, o marisqueo, a acuicultura e a cadea mar-industria europeas e o rexeitamento a medidas como a prohibición da pesca de fondo.
O deputado lucense e portavoz de Pesca do Grupo Popular no Congreso, Joaquín García Díez, explicou que pediron a comparecencia no Congreso de forma urxente do Ministro de Agricultura, Pesca y Alimentación para explicar as súas actuacións para reverter esta prohibición pero que “aínda non o fixo”. Así mesmo, trasladou a súa preocupación porque, “a menos de 15 días para que expire o prazo legal par presentar o recurso, non se coñecen os fundamentos xurídicos, nin técnicos nin científicos nos que basear o recurso. É incomprensible que o Ministro non presentara aínda o recurso e que non explicara previamente en que se argumenta”. Nese sentido, explicou que “a Xunta e o propio sector xa lle fixeron chegar aportacións moi importantes”.
De Olano e García Díez solidarizáronse coa situación do sector pesqueiro que “tampouco sabe se o Goberno de Sánchez vai pedir a moratoria ou non” e comprometéronse a trasladar ao Congreso as propostas do sector pesqueiro lucense; tamén sobre a nova Ley de Pesca Sostenible.
NOVA LEY DE PESCA SOSTENIBLE
García Díez tamén lles explicou como se atopa neste momento a tramitación parlamentaria no Congreso da nova Ley de Pesca Sostenible para a que xa se constituíu a ponencia despois de rematar o período de presentación de emendas. Nese sentido, o deputado aclarou que “o Grupo Popular presentou unha batería de emendas” e sinalou a súa “preocupación polo cambio tan brusco no modelo de xestión dos dereitos de pesca que pretende esta Ley”.
Nese sentido, o portavoz popular de Pesca sinalou “unha liña vermella á hora de poder valorar o apoio á lei: non queremos se revisen os dereitos adquiridos por todos os armadores con anterioridade á entrada en vigor desta lei, se queda aprobada tal e como entrou no Congreso”. Os populares defenden que “estes dereitos sigan vivos a pesar de que se cambie o modelo de xestión de cotas que propón esta lei”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
