Burela, 20 de decembro, 2022. A Organización de Produtores Pesqueiros do Porto de Burela presentou este luns aos seus socios codemandantes o recurso de anulación que interpuxo o pasado 13 de decembro diante do Tribunal Xeral da Unión Europea en Luxemburgo contra o Regulamento de Execución 2022/1614 do 15 de setembro de 2022, polo que se determinan as zonas nas que se prohibe a pesca con artes de fondo.
Na demanda participan 16 empresas que agrupan a 21 barcos vinculados á OPP do Porto de Burela, preocupados polo impacto moi grave que este Regulamento supón para a viabilidade económica da frota.
A OPP-7 Burela mostra así a súa desconformidade co devandito Regulamento da Comisión Europea ao considerar que a veda de pesca que se impón nas zonas identificadas é ilegal por discriminatoria e desproporcionada, polo que solicita ao TXUE a anulación do devandito Regulamento.
Ademais, a Comisión non tivo en consideración o impacto socioeconómico real do Regulamento, xa que, segundo os datos recabados pola OPP Burela, tan só nos primeiros 50 días desde a súa entrada en vigor xa supuxo un descenso de máis do 30% no volume de capturas. De manterse esta situación, os escenarios que se manexan desde o Porto de Burela alertan de danos irreversibles para a súa frota.
O Recurso de Anulación presentado pola OPP Burela, que se basea en diferentes estudos e datos acreditados por diversas entidades, apóiase nunha serie de puntos principais:
Sostén que a prohibición de pesca imponse de forma indistinta sobre artes de pesca que por definición son completamente diferentes, ignorando as características técnicas particulares de cada unha delas e o seu impacto radicalmente distinto no fondo mariño.
As sociedades que integran a OPP do Porto de Burela utilizan o palangre demersal para a pesca de pescada, arte de pesca recoñecido como o máis sostible e compatible coa protección dos fondos mariños segundo a Organización das Nacións Unidas para a Alimentación e a Agricultura, así como outras entidades públicas e privadas.
O Regulamento da Comisión vulnera o principio de non discriminación, dado que impón restricións non uniformes nas augas dos distintos Estados Membros.
Á hora de redactar este Regulamento non se tivo en conta a mellor información técnica dispoñible, dado que se utilizaron estudos técnicos nos que se recoñecía que non se puido ter en conta a actividade pesqueira con artes fixas (a pesar de que a restrición de pesca afectaba igualmente a estas artes).
O Regulamento empregou unha metodoloxía inadecuada e desproporcionada ao delimitar as zonas nas que facía efectiva esta restrición para as artes fixas en xeral e o palangre en particular.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
