A Xunta ten previsto actuar en máis de 1.100 paradas das estradas autonómicas co fin de mellorar a seguridade e a accesibilidade cun investimento de arredor de 35 M€
Lugo, 27 de decembro de 2022. A Xunta, a través da Consellería de Infraestruturas e Mobilidade, investirá 1,6 millóns de euros na mellora de 51 paradas de autobús situadas en estradas autonómicas na zona norte da provincia.
O delegado territorial da Xunta en Lugo, Javier Arias, explicou que o Diario Oficial de Galicia publica hoxe o anuncio polo que se somete a información pública, tamén a efectos expropiatorios, este proxecto, ao que as persoas que así o desexen poderán trasladar as súas achegas ata o 8 de febreiro.
Arias desprazouse ata a estrada LU-530 no cruce do Carqueixo, en Lugo, onde se realizará unha das actuacións que forman parte deste Plan de mellora da seguridade e accesibilidade das paradas de autobús nas estradas autonómicas; neste caso, construiranse na zona de dominio público da vía os accesos de entrada e saía, que tamén posibilitarán o cambio de sentido, ademais de instalar unha marquesiña, sinalización e outros elementos.
Este proxecto de mellora da accesibilidade e conectividade das paradas de autobús inclúe 15 estradas que conectan polo norte coa cidade de Lugo, e discorren por dez concellos. En concreto, contempla a mellora de 30 paradas no municipio da capital, cinco en Xove, catro en Castro de Rei, dúas en Riotorto, Outeiro de Rei, O Vicedo, Cospeito e Begonte, e unha en Abadín e Meira respectivamente.
A documentación pode consultarse na sede central da Axencia Galega de Infraestruturas, no Servizo de Infraestruturas da Delegación Territorial de Lugo e nas casas consistoriais dos citados concellos.
Paralelamente, estase traballando no proxecto para acometer actuacións similares nas estradas autonómicas que enlazan coa capital de Lugo desde os municipios do sur da provincia.
Arias explicou que a Consellería de Infraestruturas e Mobilidade investirá arredor de 35 millóns de euros en distintos proxectos para reformar máis de 1.100 paradas nas estradas galegas, co obxectivo de fomentar o acceso ás cidades en transporte público.
A medida está financiada ao abeiro do Plan de recuperación, transformación e resiliencia da Unión Europea–Next Generation EU e enmárcase no Plan de infraestruturas da Xunta para unha mobilidade segura, verde e intelixente.
Principais actuacións
A iniciativa pretende dotar ás paradas de autobús de marquesiñas, postes, bancos ou o apoio isquiático. Pero, segundo afirmou Arias, “sendo importante o confort dos usuarios do transporte público, vai moito máis alá e incide directamente na accesibilidade e a seguridade”.
Deste xeito, realizaranse obras cando sexa preciso para facilitar as manobras dos autobuses e tratarase de favorecer a conectividade das paradas a través da execución de beirarrúas ou sendas peonís. Mellorarase a accesibilidade para peóns e persoas con mobilidade reducida, grazas a esa conexión das paradas cos itinerarios peonís, á execución de ramplas de acceso, información en braille ou pavimento con podotáctil.
Así mesmo, reforzarase a seguridade das paradas, tamén con perspectiva de xénero, coa eliminación de vexetación, a mellora da visibilidade e iluminación na súa contorna; e actuarase sobre a información e a sinalización, colocando planos de situación e percorridos ou sinais indicativos das paradas.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
