Mondoñedo, venres 23 de decembro 2022. O BNG vén de presentar en Mondoñedo a campaña “Mellor local, mellor galego” en apoio ao produto galego e o comercio de proximidade. Na presentación participaron o portavoz municipal Eloi Cabanas, o deputado mariñao Daniel Castro e membros do Bng local.
Nesta campaña que se desenvolve en todas as localidades da comarca e do país, os nacionalistas defenden un novo modelo produtivo e comercial, apostando polo consumo de produtos galegos, que debe ser unha prioridade na política económica e de comercializacion, fuxindo dun modelo de consumo ao servizo das grandes áreas comerciais de capital foráneo.
O noso é sinónimo de calidade
“O sustentábel, o ecolóxico, o que de verdade xera riqueza e emprego aquí, o que mantén vivas e dinámicas as nosas cidades e vilas, é a producción propia, galega, a da nosa comarca e tamén as tendas e negocios do comercio de proximidade” manifestou Daniel Castro. O portavoz municipal Eloi Cabanas fixo referencia á importancia do comercio de Mondoñedo na economía local, asegurando que “o futuro pasa por darlle máis valor ao local, ao noso, que é sinónimo de calidade, coñecemento, desenvolvemento e identidade, e en Mondoñedo e na comarca temos un comercio e uns produtos de primeira”.
Propostas para potenciar o comercio local
Desde o Bng formulan varias propostas factibles para salvagardar o comercio e a economía locais, que son, entre outras, as seguintes: incentivar a compra de produtos locais e galegos, recuperación dos mercados municipais e as zonas comerciais tradicionais, promocionar a producción alternativa e ecolóxica, establecemento de liñas de crédito prioritarias para o comercio de proximidade, ou promover axudas para implantar ou mellorar establecementos que comercialicen produtos autóctonos.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
