Ribadeo, 29 de decembro de 2022. O Concello acondicionará a rúa Casa do Pobo. O investimento ascende a case 100.000 euros. Este mediodía o alcalde, Fernando Suárez, e os concelleiros de Economía, Obras, Medio Rural e Medio Ambiente, Pablo Vizoso, Mónica Freire, Marcos Villamil e Jorge Díaz, mantiveron un encontro coas veciñas e coas veciños desa zona aos que lles explicaron polo miúdo en qué consistirán as obras.
A edil de Obras, Mónica Freire, dixo que “desde o Concello de Ribadeo continuamos traballando para levar a cabo unha serie de melloras no ámbito urbano. Neste caso, trátase dunha parte da vila, a rúa Casa do Pobo, que se atopaba moi deteriorada, actualmente acabada con rego asfáltico, e esta era unha das causas de que aparezan as numerosas fochancas que alí existen. Trátase tamén dunha rúa moi estreita, o que provoca que tanto os vehículos como as persoas compartan a maior parte do espazo, supoñendo isto un perigo”.
A concelleira ribadense lembrou que “levamos xa uns meses traballando, dialogando coa veciñanza desta rúa, para poder conseguir facer un proxecto adaptado ás condicións do noso Plan Xeral, no que este viario conta cun ancho de 10 metros. Afortunadamente, este diálogo deu os seus froitos e os veciños cederon o espazo necesario para poder acometer estas obras dun xeito que poidan contar cunha rúa con tódolos servizos e condicións de accesibilidade”.
Freire Rancaño explicou que “o proxecto que redactamos e que suporá un investimento duns 100.000 euros, contempla a execución duns muros de contención para poder chegar a ese ancho de 10 metros”.
A concelleira de Obras seguiu a relatar que “substituiremos toda a canalización existente de saneamento, por unha nova en pvc, que discorrerá polo centro da calzada.Tamén melloraremos a instalación de abastecemento de auga. En relación ao alumeado, vaise substituír toda a canalización e disporanse novas arquetas así como luminarias tipo LED. Soterraremos tamén a instalación de enerxía eléctrica e de telefonía ao longo de toda a rúa. E por último, disporase unha nova sinaléctica tanto horizontal como vertical”.
No día de hoxe foi publicada na Plataforma de Contratos do Sector Público a licitación destas obras, que ascenden a 96.050,27 euros e que contan cun prazo de execución de 4 meses. “Así que agora, as empresas cualificadas para executalas teñen acceso a toda a documentación nesta web ou na do propio Concello de Ribadeo. E contan cun prazo de presentación de ofertas de 20 días naturais”, engadiu Mónica Freire.
Na xuntanza coa veciñanza o alcalde, Fernando Suárez, agradeceulles a cesión do espazo para poder acometer as obras, destacou o traballo realizado polos concelleiros de Economía e Obras, Pablo Vizoso e Mónica Freire, e tamén o apoio económica da Deputación de Lugo, institución coa que foi asinado un convenio hai unhas semanas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
