No PP ven confirmado “por parte dos responsables da concesionaria que Cajoto os leva enganando dous anos, de que o Concello non accedeu a solucionar o desequilibrio económico ocasionada pola covid e a crise causada pola guerra de Ucraína, e isto delata a actitude pasiva do alcalde”
Foz, 22 de decembro de 2022. O grupo municipal do PP ten moi clara a folla de ruta para sacar á residencia da terceira idade de Foz do conflito na que a meteu a mala xestión do alcalde, Fran Cajoto (PSOE). Os populares expuxeron ao goberno a solución ao problema, pero socialistas e nacionalistas non queren escoitar nada que non responda aos seus intereses electorais. O portavoz popular, Javier Castiñeira, sinala: “No pleno de onte, o PP de Foz presentou a súa folla de ruta para intentar reconducir a situación da residencia da terceira idade creada pola inoperancia do goberno municipal. O PP presentou unha emenda para substituír os acordos inmobilistas que propoñía o goberno de Cajoto por unha solución posible e real a este conflito. A solución non pode pasar por obrigar á concesionaria a seguir en contra da súa vontade; sería un risco enorme para o propio servicio”.
Castiñeira explica cal é a solución ao problema: “A solución pasa, por un lado, por renovar o convenio de cesión do edificio co Consorcio para que siga sendo municipal outros catro anos; segundo, sacar a licitación inmediatamente o novo concurso, como leva pedindo o PP varios anos. Xa o tiña que haber convocado hai catro meses, para que non pasara o que está a pasar, porque o 16 de xaneiro remata a concesión con esta empresa e non hai substituta, porque non quixo o alcalde. Por outro lado, hai que tratar de solucionar o problema coa actual empresa, intentar reconducir a situación polo menos ata que teñamos un novo concesionario. Iso é o que pediu o PP e o que entendemos que vai ter que facer o señor Cajoto se non quere chegar a maiores problemas”.
PSOE e BNG negáronse a aceptar a proposta do PP e, segundo sinala Castiñeira, “seguen lavándose as mans e botando a culpa a todos os que demos solución aos problemas doa residencia, fixemos unha transición perfecta; a eles tocáballes renovar ese proceso e, de momento, non o queren facer”.
Castiñeira di que agora produciuse “a confirmación por parte dos responsables da concesionaria de que Cajoto os leva enganando dous anos, de que o Concello non accedeu a solucionar o desequilibrio económico ocasionada pola covid e a crise causada pola guerra de Ucraína; isto delata a actitude pasiva do alcalde, que pretende ter unha residencia municipal, nos momento complexos que estamos vivindo, sen poñer nin un peso”. Asegura que “en ningún caso, en ningún concello, pasou isto”.
Castiñeira declara: “O PP volveu recordar onte a Cajoto que o que funciona ben non hai porque cambialo. A única forma de garantir que os residentes e os traballadores permanezan en Foz e seguir como estabamos; sendo unha residencia municipal. O resto son intereses privados, electoralistas, do señor Cajoto e dos seus socios do BNG, que o único que queren e manter discrepancias coa Xunta de Galicia, aínda que sexa a costa dun servizo tan serio e importante como é o da residencia, que puxo a funcionar o Partido Popular de Foz”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
