O portavoz do PP avisa do grave risco que pode darse se é preciso atender unha emerxencia e non poden entrar os vehículos, porque polo paso actual non hai ancho suficiente para que poidan pasar
Viveiro, 15 de decembro de 2022. O Pazo de Malates é un dos edificios máis emblemáticos de Viveiro e atópase nunha situación de grave deterioro, que avanza a pasos axigantados. O grupo municipal do PP xa manifestou a súa preocupación polo estado deste inmoble, así como polo abandono ao que se atopa sometido o seu entorno. Na máis recente sesión plenaria, o grupo municipal popular presentou unha iniciativa para que o Concello tome cartas no asunto para salvar tan significativo edificio. Os populares quedaron seriamente preocupados ao comprobar que o goberno local non sabe como resolver o problema dun dos bloques de pisos (uns 40) que hai nas inmediacións do pazo, na rúa Alonso Pérez, que non ten posibilidade de acceso para vehículos de emerxencias, isto, é ambulancias, bombeiros e policías. Por este motivo, o portavoz popular, Óscar Rodríguez, anuncia a presentación dunha iniciativa para que o Concello adopte as medidas precisas para solventar tan grave problema, que ten moi preocupados aos veciños.
Fora como fose, o caso é que cando se construíron os dous bloques de edificios, un en primeira liña da Rúa Alonso Pérez, e outro por detrás do primeiro, ninguén pensou en que pasaría se é necesario que cheguen a este último vehículos de emerxencias. Porque o acceso que ten é tan estreito que non permite o paso, por exemplo, de ambulancias ou camións de bombeiros. Hai un paso estreito, dende a Rúa Alonso Pérez, delimitado por un lado polo edificio e por outro polo balado que pecha a finca do pazo de Malates. Así o explica Óscar Rodríguez, que anuncia a presentación dunha iniciativa, no próximo pleno, para que o goberno local faga as xestións necesarias para conseguir os terreos para abrir un acceso en condicións ao citado edificio, ben mediante negociación cos propietarios do terreo do pazo ben mediante expropiación.
Rodríguez sinala: “Os veciños están moi preocupados. É necesario que o Concello deseñe unha alternativa e para iso o primeiro e conseguir os terreos; esa é a nosa proposta”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
