O Presidente asinou un convenio de colaboración co presidente do colectivo burelés para cubrir os gastos do longo proceso de creación deste xigante tapiz, un dos atractivos das festas patronais que atrae a centos de persoas a esta localidade da Mariña
Lugo, 17 de xaneiro de 2023. O Presidente da Deputación de Lugo, José Tomé Roca, asinou no Pazo de San Marcos un convenio de colaboración co presidente da Asociación Cultural Burelafloral, Martín Soto Lestao, para financiar os gastos derivados da organización e confección da alfombra floral, un dos grandes atractivos das festas patronais de Burela, que se celebran a primeira fin de semana de xuño na honra á Virxe do Carme, patroa dos mariñeiros.
José Tomé Roca agradeceu ao presidente do colectivo o traballo por manter viva esta tradición lonxeva “que converte un dos actos máis fervorosos e populares destes festexos nun gran atractivo para a Mariña, recibindo estes días a centos de visitantes e fieis que queren ver a procesión da Virxe sobre este xigante manto floral”. Desta forma, colaborando con este tipo de iniciativas, dende a institución provincial “estamos promovendo a imaxe turística da provincia cara ao exterior, e contribuíndo a xerar riqueza a través da nosa cultura e das nosas tradicións”, explicou.
A Deputación, xunto ao Concello de Burela, aporta con este acordo a contía económica necesaria que permitiu á entidade estender uns 500 metros de tapiz floral, desde as inmediacións da igrexa parroquial ata o porto da localidade mariñá, contribuíndo así a enxalzar o paso da Virxe. Nesta última edición do 2022, de título Polas festas que nos perdimos, o deseño da tapiz estivo inspirado nas festas máis relevantes da comarca e de toda a provincia con motivos en referencia a citas, entre outras, como a Festa do Bonito, a Maruxaina, As San Lucas de Mondoñedo ou O San Froilán.
Implicación de toda unha vila
A elaboración da alfombra floral de Burela é un dos atractivos do día grande das festas patronais, pero o traballo comeza catro meses antes coa preparación dos materiais para a súa confección, sobre todo o da flor.
Ao redor deste proceso implícase toda a vila. Burelenses de todas as idades, desde os máis pequenos aos máis maiores, comparten este sentimento, que comeza co traballo da selección e picado da flor nos baixos das súas casas. Nestas semanas previas, tamén se preparan os tintes para dar as distintas tonalidades cos que completar os debullos, sobre todo en serraduras e sal. Outros materiais empregados son o caolín e o café, que aportan as cafeterías da zona para o seu cribado e secado ao sol. Un acto de devoción, culto e convivencia que remata o día da procesión coa confección da alfombra que tingue de cor as rúas da localidade, atraendo a centos de persoas que queren presenciar a pé de manto o espectáculo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
