Ribadeo, 5 de xaneiro de 2023. O alcalde, Fernando Suárez, amosa a súa preocupación pola frecuente presenza de xabarís tanto nos arredores da vila como en parroquias costeiras moi urbanizadas como Vilaselán. E dirixe un escrito á Consellería de Medio Ambiente en demanda de medidas para conter a poboación desta especie animal e ao Ministerio de Fomento para que arranxe as mallas metálicas que bordean a A-8 e así evitar que os porcos bravos poidan ocasionar accidentes de tráfico.
O rexedor lembrou que “nestes últimos anos, e especialmente nestes últimos tempos, estamos asistindo a unha presenza sistemática e habitual dos xabarís en contornas urbanas ou semiurbanas. Hai unha clara evidencia do notable incremento da poboación destes animais. Hai varios factores que están detrás deste aumento: pola rotura da cadea trófica e que apenas teñen depredadores, polo abandono que sofre o noso medio rural, etc. Tamén, existen evidencias que responden a cambios nos patróns de conduta destes porcos bravos ao ver que van conseguindo alimento de xeito doado cada vez mais preto dos núcleos urbanos e sen que lles teña consecuencia algunha”.
Suárez Barcia contou que “é frecuente ver na nosa vila, nos arredores da mesma, e incluso en parroquias costeiras e moi urbanizadas como Vilaselán numerosos avistamentos de xabarís, sos ou en manada, e cada vez máis en períodos diúrnos de actividade humana. Tamén vemos con preocupación os accidentes que ten habido nas estradas, especialmente na Autovía do Cantábrico, precisamente por atravesaren os valados de malla metálica e introducírense nos carrís de circulación de vehículos”.
O alcalde dixo: “sabemos pois, que non hai solución simple a este problema que xa non é so destas latitudes, pero que tampouco podemos deixar de obviar. Desde un Concello coma o noso non temos competencias directas para poder actuar sobre esta problemática aínda que si podemos contribuír a coordinar esforzos para tentar controlar esta situación”.
Fernando Suárez explicou que “en primeiro lugar, queremos dirixirnos ao Ministerio de Fomento, titular da Autovía do Cantábrico, para que proceda coa maior dilixencia ao arranxo sistemático e integral de todos os peches de malla metálica que bordea a Autovía A-8, a fin de evitar que os animais salvaxes sigan a entrar e poidan seguir provocando accidentes. E en segundo lugar, queremos dirixirnos igualmente á Consellaría de Medio Ambiente da Xunta de Galicia, para que, aínda tendo en conta as problemáticas que supón actuar en áreas humanizadas como son os lugares urbanos ou periurbanos descritos, adopte cantos métodos de caza ou apreixamento poida despregar para lograr conter a esta poboación de xabarís no noso concello”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
