As actuacións levadas a cabo nos últimos tres anos e medio no servizo de abastecemento de auga potable en Barreiros superan os 600.000 euros.
Barreiros, 4 de xaneiro de 2023. O Concello de Barreiros vén de asinar un convenio de colaboración coa área de Medio Rural da Deputación, dirixida por Mónica Freire, para levar a cabo actuacións de mellora do depósito de abastecemento de auga potable situado na Barranca, en San Miguel de Reinante.
A concelleira de Saúde Pública, Montse Porteiro, explicou que “as melloras consistirán na dotación dun centro de transformación completo, adaptando as instalacións ás normas de obrigado cumprimento. Ao mesmo tempo, realízase unha actuación moi importante e fundamental para a eficiencia no aproveitamento da auga potable, como é a impermeabilización dun dos vasos que compoñen o depósito e que leva anos de perdas importantísimas que supoñen un gasto e unha redución de calidade no servizo, por ter que estar pechado habitualmente”.
Para realizar estas actuacións contan cun orzamento total de 40.656,53 €, dos que a Deputación aporta 33.400 euros e o Concello, 7.256,53€.
A alcaldesa, Ana Ermida, insiste na “necesidade e a importancia destas actuacións de mellora, que permiten que Barreiros sexa un Concello máis eficiente no servizo de abastecemento e remata cunha eiva existente no depósito da Barranca desde hao moitos anos e que era obxectivo deste goberno municipal”.
Porteiro sinalou que con esta intervención “conseguirase aumentar o subministro desde este depósito o que provoca maior subministro de auga de calidade -xa que esta auga supera en calidade á da ETAP principal de Celeiro-; baixar o custo que supón o servizo ao concello, xa que ao ser de maior calidade necesita menos tratamento, e ademais desde esta captación non é necesario ningún bombeo xa que discorre en toda a rede por gravidade incrementando así a sustentabilidade do servizo e a súa eficiencia”.
Mónica Freire parabenizou ao goberno municipal polo traballo desenvolto nestes anos en materia de abastecemento e manifestou que “a área que dirixo e a Deputación sempre estarán apoiando este tipo de investimentos que redundan nunha mellora dos servizos que recibe a veciñanza.” “É de sinalar a priorización que se fixo en Barreiros nestes anos á hora de decidir investimentos e buscar finanzamento, poñendo sempre por diante as necesidades reais da poboación e fuxindo de estridencias ou investimentos moi visibles, pero con menos utilidade”.
Estes investimentos veñen a sumarse a outros realizados como a renovación de redes de abastecemento de fibrocemento, como a de Remior, Áspera ou Vilar; cambio de chaves en completo deterioro ou dotación das estacións de tratamento e bombeo que material de tratamento e medicións. As actuacións realizadas no servizo de abastecemento de auga potable superan nestes tres anos e medio os 600.000 euros.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
