Subliña o novo impulso á actividade económica nos 19 concellos galegos que forman parte das zonas afectadas polos peches das centrais de Meirama e As Pontes
A Coruña, 4 de xaneiro de 2022. O delegado do Goberno en Galicia, José Miñones, avanzou hoxe dúas novas convocatorias de axudas para impulsar proxectos empresariais nas zonas de transición xusta e que ofrecerán 50 millóns de euros a empresas e persoas emprendedoras. José Miñones animou aos interesados e interesadas a consultar as bases destas axudas, que xa saíron publicadas no BOE do pasado 16 de decembro, e preparar os proxectos ante a próxima apertura do prazo de solicitudes “que estimamos se abran a principios deste 2023”, anunciou. E lembrou que o Goberno dispón nas Pontes dunha Oficina de Transición Xusta para asesorar na presentación das solicitudes.
Estas convocatorias dependen do Instituto para a Transición Xusta (ITJ), organismo autónomo do Ministerio para a Transición Ecolóxica e o Reto Demográfico (MITECO). José Miñones subliñou que estas convocatorias sumarán un novo pulo para os 19 concellos incluídos nas dúas zonas de Galicia afectadas polos procesos de peche de centrais térmicas: Zona de Meirama (concellos de Cerdeda, Ordes, Carral, Tordoia e A Laracha) e Zona das Pontes (As Pontes, A Capela, Xermade, San Sadurniño, As Somozas, Mañón, Monfero, Moeche, Cerdido, Vilalba, Cabanas, Ortigueira, Muras e Ferrol).
Axudas para investimentos e emprego
O obxectivo destas liñas de axudas é promover iniciativas concretas de investimento empresarial nas zonas afectadas pola transición enerxética. Con elas búscase xerar actividades económicas alternativas que incentiven a creación de postos de traballo, así como manter os empregos existentes que impulsen un novo desenvolvemento económico nestes territorios.
As axudas outorgadas por este instrumento estarán baseadas en dous compoñentes: o investimento realizado e a creación de emprego. Así mesmo, bonificarase a contratación de persoas rexistradas nas bolsas de traballo do ITJ, co obxectivo de promover a creación de emprego prioritario para traballadores afectados polo peche de minas e centrais. Igualmente, bonificarase a creación de postos de traballo para mulleres, novas, maiores de 45 anos e persoas con discapacidade.
Haberá dúas liñas nesta primeira convocatoria: unha liña para proxectos empresarias (dotada con 40 millóns de euros), e outra para pequenos proxectos de investimento (con 10 millóns de euros).
Considéranse proxectos empresariais aqueles que requiren un investimento mínimo de 100.000 euros e crean polo menos tres postos de traballo. Pola súa banda, os pequenos proxectos de investimento deberán investir un mínimo de 30.000 euros e comprometerse a manter o emprego durante os tres anos seguintes ou crear polo menos un posto de traballo para as novas iniciativas.
Valoración de beneficios ambientais e sociais
Para a adxudicación das axudas, valoraranse os beneficios ambientais e sociais dos proxectos, a súa capacidade de xeración de emprego, o seu efecto tractor sobre o territorio, a súa innovación e a súa localización en municipios afectados polo despoboamento, o reto demográfico e o peche de minas de carbón e centrais. As pequenas e medianas empresas tamén contarán con puntuación adicional.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
