Nun dos encontros máis complicados da tempada, contra o Alzira na súa pista, o Burela empata e mantén o segundo post
Sábado 28 de xaneiro. Ás 19.00 horas desta tarde, no Palacio dos Deportes de Alzira disputouse o encontro Family Cash Alzira FS – Pescados Rubén Burela FS, que repartiu 1 punto a cada equipo tras empatar 3-3 nunha das pistas máis difíciles da categoría, cun público feroz, que aperta, e un rival que tamén presiona e se ve aroupado pola súa afección.
Nunha primeira parte moi boa do Burela FS, do mellor que fixeron esta tempada, póñense no 3-0 con certa comodidade. Tras varias oportunidades entre elas de Eloy e Pazos nos minutos 3 e 8, comeza subindo o marcador Pitero no minuto 9. No 13 Alberto Mirás consegue o 0-2 e tras varias oportunidades, de novo de Pazos no 13 e Antón no 16 tras un gran control, chega o 0-3 con Isma desde o segundo pau. Na última xogada da primeira parte, tras unha perda de Eloy chega o primeiro gol de Naranjo, o 1-3, e o descanso.
Na segunda metade os dous equipos mantivéronse máis igualados. No minuto 24 outra perda do Burela non forzada, nun pase horizontal de Antón, permite a Naranjo conseguir o 2-3. A partir de entón o Pescados Rubén non consegue manter a firmeza que mostra durante a primeira parte, debido sobre todo á presión das bancadas. Procurando manter a defensa ante a presión do Alzira que lles obriga a tentar manter un pouco máis a pelota e non ser tan verticais, o equipo burelés recibe o 3-3 nun saque de estratexia rápido, unha volea de Rubi, no minuto 31. Ningún dos dous equipos recorre ao porteiro-xogador e o resultado mantense 3-3 ata o final do encontro.
Os pícaros de David Rial volven a Burela contentos co punto que os mantén na segunda praza, e tras o tamén empate do Parrulo contra o Barça Atlétic mantense tamén a distancia ante o equipo ferrolán. A próxima semana esperan a outro rival complicado, o Sala 10 Zaragoza, que tamén vén de empatarlle ao Leganés e que vai 6º na clasificación. A pesar da longa viaxe desde Valencia, moitos asistirán mañá a animar ás súas compañeiras que xogan a final da Supercopa de España Feminina en Vista Alegre.
Ficha Técnica
Family Cash Alzira FS: Porki (P), Rubi, Parreño, Peiró, Castejón (C) – cinco inicial -, Joan, Carlitos, Pedro, Javi Sena, Naranjo, Palacín, Gabri Pastor, Gustavâo, Serra (P)
Pescados Rubén Burela FS: M. Kaluza (P), Pitero, Isma, David Pazos, Eloy, – cinco inicial- Lucho, Nando, Rikelme, Alberto Mirás, Antón Arnejo, Bruno (P).
Goles: Min.9 Pitero 0-1; min.13 Alberto Mirás 0-2; min.18 Isma 0-3; min.19 Naranjo 1-3; min.24 Naranjo 2-3; min.31 Rubi 3-3.
Equipo Arbitral: Antonio Nicolás Navarro, Antonio González Blaya, Jorge Sanclemente Elvira, Albert Mir Guillamon.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
