Grande superioridade do Burela FS fronte ao equipo de Ángel Saiz sen Julio Delgado no banquillo
Burela, 21 de xaneiro, 2023. Ás 18.45 desta tarde en Vista Alegre, comezou o encontro Pescados Rubén Burela FS – Rayo Majadahonda AFAR 4 FSF con 15 minutos de atraso debido aos contratempos provocados polos cortes na nacional 642. Un partido dominado polo Pescados Rubén de principio a fin, no que Sonya encaixa o último gol do encontro.
Comeza o partido e xa no minuto 1 Antía adianta o marcador 1-0 e no 4 Dany o 2-0. Pouco despois, no 9 de novo Antía sobe a 3-0 e no minuto 12 a habitual Emilly o cuarto gol. Un minuto depois Moni logra encaixar un gol para o Rayo, pero as burelás non dan tregua e continúan co festival de goles ata o final do encontro sen permitir case chegar á súa portería ás madrileñas. Antes do descanso, nos minutos 17 e 19 Irene Samper e, de novo, Dany anotan o 6-1 co que chega o descanso.
Na segunda parte, co marcador moi avantaxado para o equipo mariñán, tras unha boa ocasión do Rayo que desvía Caridade, Irene Samper volve encaixar outro gol, sumando o 7-1 ao marcador e xa no 34, con varias oportunidades das laranxas, Sonya, xogadora cadete do Burela FS, anota o seu primeiro gol en Primeira División de Futsal Feminina, culminando o 8-1 co que remata o encontro.
Agora as xogadoras do Pescados Rubén Burela FS céntranse nos encontros da Supercopa que se disputarán a fin de semana que vén no seu pavillón o Vista Alegre de Burela, empezando contra o Atlético Navalcarnero o sábado 28 de xaneiro ás 12.00 horas.
Ficha Técnica
Pescados Rubén Burela FS: Caridad (P), Dany, Cilene, Jenny, Antía – cinco inicial- Irene Samper, Masha, Patricia, Sonya, Emilly, Jozi de Oliveira (C/P)
Rayo Majadahonda AFAR 4 FSF: Tresguerres (C/P), Marta, Pitxi, Feijoo, Moni – cinco inicial-, Andy, Sofi, Peque, Malak, Coral, Montull (P)
Goles: Min.1, Antía Pérez 1-0; min.3, Dany 2-0; min.9, Antía Pérez 3-0; min.12, Emilly 4-0; min.13, Moni 4-1; min.17, Irene Samper 5-1; min.19, Dany 6-1; min.25, Irene Samper 7-1; min.34 Sonya 8-1.
Equipo Arbitral: Pablo Coello Martínez, Iria de Luis Iglesia, Eloy Bello Gómez, Andrea de Luis Iglesia
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
