Foz, 21 de xaneiro, 2023. O BNG de Foz ten clara a prioridade na situación da residencia de Foz: a garantía para as persoas usuarias, traballadoras e os intereses económicos do resto das veciñas e veciños de Foz. A xestión deste servizo quíxose sempre que fose público por que é así por competencia estatutaria. Mais lamentablemente, no modelo PP de xestión neoliberal, a Consellería de Benestar esixe non so que a xestión se extrenalice nunha licitación privada, se non que o Consorcio de Benestar xestiona os centros como unha inmobiliaria, chegando a pedir que ao remate dos convenios se lles entregue sen usuarios nin traballadores. A realización dun novo convenio permitirá agora a cesión ao Concello que evitará este atropello laboral e social. Mais na transición, asistimos a un desencontro coa actual concesionaria que debería resolverse.
O pleno do Concello en 2021, co acordo unánime de todolos grupos, solicita ao Consorcio que retome a xestión directa do centro. Iste é o cerne do conflicto na sua negativa a aceptalo, e está actualmente en vias de solución co novo convenio, por tanto chegouse a un acordo. Mais tras da aprobación no pleno en decembro de 2022, sen votos en contra, do punto que resolvía Notificar ao contratista a aprobación da prórroga, con indicación dos recursos, a empresa disconforme, non acepta o acordo. Os servizos técnicos da empresa e o Concello chegan a conclusións opostas e a inquietude medra nos actores implicados, usuarios e familias, traballadores e veciñas. O BNG de Foz solicitou á empresa que reconsiderada as suas posturas inamovibles. Existían esforzos previos do Concello para normalizar algunhas disfuncións na prestación dos servizos e mesmo nos dereitos laborais dos traballadores que fixo preciso o seu recurso ao Fondo de garantía salarial para recuperar cantidades que lles adebeda, mais non foi atendida a súa solicitude.
Vista a situación actual, a complexidade xurídica, e no mellor interese de tódolos implicados, dende a Asamblea do BNG de Foz consideramos que unha vía de solución pode ser a mediación. A mediadora sería unha institución pública competente en materia xurídica e/ou de servizos sociais, que permita as partes aproximar posturas para evitar incertidumbre e dar tamén así resposta a inquietude amosada po la plantilla e as familias usuarias.
Reiteramos o noso agradecemento as persoas traballadoras po la demostrada profesionalidade e as familias po la súa comprensión diante da situación. O BNG de Foz considera que ben merece probarse este intento, para aclarar e resolver satisfactoriamente a situación a todalas partes implicadas no funcionamento dun servizo tan sensible.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
