Sobre a apertura ao tráfico dun carril regulado por semáforo, preguntan se tiveron en conta as horas de máxima afluencia ou se o Ministerio barallou a posibilidade de regular o tráfico por medio de axentes da autoridade nos momentos de maior intensidade na circulación
Madrid, 23 de xaneiro de 2023. Os deputados populares pola provincia de Lugo no Congreso, Jaime De Olano e Joaquín García Díez, esixen ao Goberno de Sánchez explicacións en relación ao burato baixo a estrada N-642 que derivou no seu corte ao tráfico entre os quilómetros 41 e 47, no límite entre os municipios mariñáns de Foz e Burela, durante esta fin de semana. Concretamente, os populares trasladan á cámara baixa para que o Executivo responda por escrito “as mesmas preguntas que nos facemos todos os mariñáns: as causas do incidente e as actuacións que vai levar a cabo para recuperar o tránsito normal nunha infraestrutura de vital importancia para A Mariña, sendo a vía de comunicación de infraestruturas básicas coma o Hospital da Costa, o porto de interese xeral de San Cibrao, os portos de Celeiro (Viveiro) e Burela; así coma de gran parte do tecido industrial da comarca”, puntualiza De Olano.
Os populares preguntan se, transcorridas xa 72 horas, o Goberno central pode indicar as causas reais do incidente atribuído nun primeiro momento a unha gran bolsa de auga acumulada á beira da calzada.
Os populares amosan a súa preocupación pola seguridade dos usuarios da vía de titularidade estatal e, polo tanto, tamén preguntan ao Goberno de Sánchez se se procedeu a comprobar que o problema causante do incidente non se vai a repetir noutros puntos da N-642 e se está garantida a seguridade ao longo da estrada ao seu paso pola Mariña lucense. Así mesmo, solicitan resposta ao Executivo sobre as actuacións que van levar a cabo para garantir a seguridade e recuperar o tráfico por esta estrada, “o prazo temporal” previsto polo Ministerio de Transportes, Mobilidade e Axenda Urbana para solucionar de forma definitiva o problema e para restablecer o tráfico con normalidade.
Os deputados do PP lucense consideran que “o desvío do tráfico polas estradas LU-162, LU-161 e LU-540 supuxo, non só un atraso nas comunicacións de ata hora e media; senón tamén un incremento da perigosidade porque as alternativas propostas son estradas que non están preparadas para un tráfico tan intenso nin para a circulación de vehículos de gran tonelaxe. Tanto foi así que ás poucas horas se procedeu ao peche da estrada LU-P-1502”. Nese sentido, considera o Ministerio que o desvío do tráfico pola LU-101, LU-102 e LU-542 é viable e garante a seguridade dado o trazado destas vías e o volume de tráfico desviado.
REGULACIÓN DO TRÁFICO NO CARRIL ABERTO
Ás 48 horas procedeuse á apertura ao tráfico dun carril da N-642 con regulación semafórica no tramo do sinistro. A este respecto, os populares preguntan ao Executivo se tivo en conta para o seu funcionamento as horas de máxima afluencia de vehículos e o sentido do mesmo ou se a regulación é a mesma ao longo das 24 horas do día. E, na mesma liña, queren saber se o Ministerio barallou a posibilidade de regular o tráfico por medio de axentes da autoridade nos momentos de maior intensidade na circulación.
Os populares agardan “unha resposta rápida a estas cuestións; pero, sobre todo e o que é máis importante, que o Goberno dea unha resposta rápida ás demandas á poboación da Mariña que se ve gravemente prexudicada por este sinistro”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
