O director xeral de Pesca, Acuicultura e Innovación Tecnolóxica afondou con representantes da Organización de Produtores Pesqueiros de Burela e do bufete J&A Garrigues en cuestións técnicas para dar solidez aos argumentos da comunidade
Burela, 20 de febreiro de 2023. O director xeral de Pesca, Acuicultura e Innovación Tecnolóxica, Antonio Basanta, mantivo hoxe un encontro de traballo con representantes da Organización de Produtores Pesqueiros de Burela (OPP-7) e do bufete de avogados J&A Garrigues co obxectivo de afondar na estratexia de defensa dos intereses da frota galega ante o veto á pesca de fondo decretado por Bruxelas en 87 áreas de augas comunitarias. Nesa xuntanza abordaron distintas cuestións vitais para dar solidez ao recurso presentado pola entidade lucense ante a Xustiza europea e no que a Xunta se vai presentar como parte coadxuvante.
O Executivo galego avanza así na liña de traballo marcada desde o primeiro momento polos xuristas especializados aos que solicitou asesoramento e que incidían en que a mellor fórmula dunha rexión para defender os intereses do seu sector ante o regulamento de execución aprobado pola Comisión Europea era acompañalo como parte coadxuvante. A opción de iniciar unha acción directa, aclaraban, tería poucas posibilidades de prosperar.
Ante esta situación, a Consellería do Mar recorreu ao bufete J&A Garrigues, con xuristas especializados en dereito comunitario e coñecedores da materia, para apuntalar a estratexia galega e obter os mellores resultados posibles ante unha medida que pretende protexer zonas que contan con ecosistemas vulnerables ou nas que é posible que existan.
De feito, unha vez que o recurso da Organización de Produtores Pesqueiros de Burela saíu publicado no Diario Oficial da Unión Europea (DOUE) -o pasado 6 de febreiro- a comunidade ten un prazo de seis semanas -ata o 20 de marzo- para exercer a súa potestade de actuar como parte coadxuvante. Precisamente, esta reunión enmárcase no traballo previo e de preparación da intervención da Xunta no procedemento iniciado polos armadores da OPP-7 para tratar de anular o veto á pesca de fondo.
Deste xeito, o Executivo galego reforza o seu apoio ao sector na loita contra esta decisión pois no seu momento xa lle aportou tanto os argumentos recompilados por distintos xuristas especializados consultados como as estimacións do impacto que este veto podía ter na frota. Esas mesmas teses e información foron trasladadas tamén ao Goberno central para reforzar o seu recurso contra o veto decretado por Bruxelas.
Finalidade
O obxectivo da frota de Burela e da Consellería do Mar é acadar tanto a suspensión temporal da aplicación desta prohibición como a súa anulación definitiva tendo en conta que se trata dunha medida adoptada de xeito totalmente arbitrario, sen contar cos correspondentes informes biolóxicos e socioeconómicos que a avalen.
Neste sentido, boa mostra de que o veto se aprobou malia carecer das correspondentes avaliacións técnicas é o paradoxo de que unha das artes máis selectivas que existen, o palangre de fondo, sexa a máis afectada polas limitacións neses 87 espazos de augas comunitarias.
A prohibición da pesca de fondo afecta a arredor de 200 buques galegos de xeito directo ben porque non poden traballar nas zonas vedadas ben polo solapamento de áreas de pesca, é dicir, pola concentración no mesmo espazo das embarcacións que viñan faenando tradicionalmente alí e das expulsadas polas novas restricións.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
