Burela, 9 de febreiro de 2023. O alcalde, Alfredo Llano, fai un balance positivo sobre a visita realizada a Burela por parte de Hermenio Fernandes, presidente da asociación nacional de municipios caboverdianos, que estes días participou en Lugo nun evento organizado polo Fondo Galego de Cooperación, do que forma parte o Concello burelés.
O rexedor dixo que “onte asistín a un taller simultáneo dentro das xornadas que organizou o Fondo Galego de Cooperación, que xerou unha serie de actividades durante 3 días co título Gobernos locais e cooperación internacional ao desenvolvemento. Estamos metidos no Fondo Galego de Cooperación desde hai xa moito tempo e acudimos alí polo interese que ten participar neses debates e nesas actividades informativas, que estiveron moi ben. Entre os invitados estaba Hermenio Fernandes, que é o presidente da Asociación Nacional de Municipios Caboverdianos e o presidente da Cámara Municipal de Sao Miguel, que é un concello que está na illa de Santiago e resulta que este pobo caboverdiano ten asinado co Concello de Burela unha irmandade desde o ano 2001, cando se fixo aquí, en Burela”.
Llano explicou que “entón dado que viña a Lugo para participar neste taller achegámonos ata alí e escoitamos como falou de exemplos da cooperación que se está facendo en Cabo Verde e con outros países. Foi unha charla interesante e ao remate falei con el, comentoume que tiña moito interese en achegarse a Burela, dado que aquí hai a comunidade caboverdiana máis numerosa de Galicia, e onte pola tarde estivo no noso concello, asinou no libro de honra e levou un agasallo institucional para o seu municipio de Cabo Verde”.
Para o rexedor “é interesante que siga habendo unha boa relación porque ese convenio co municipio de Sao Miguel asinouse principalmente para colaborar con eles con respecto ao ensino, e xa se fixeron cousas nese ámbito; tamén para cuestións relacionadas coa saúde e coa medicina; e sobre a pesca. Había eses tres puntos de referencia para cooperar, pero realmente o máis importante era o educativo: tense enviado material escolar, participouse en programas e viñeron estudantes de alí para desenvolver aquí os seus estudos. Precisamente Burela está colaborando con Cabo Verde, tanto nesa illa de Santiago como na de Sao Vicente, onde se fai a feira Expomar”.
O alcalde de Burela subliñou que “estamos colaborando dentro das nosas posibilidades con Cabo Verde porque en Burela o 10 por cento da poboación é caboverdiana e creo que é de xustiza ter unha boa relación con toda esta xente e con Cabo Verde”.
Alfredo Llano engadiu que “onte Hermenio Fernandes estivo na Casa do Concello de Burela, pero tamén se reuniu con moitos caboverdianos que están aquí e que lle comentaron unha serie de temas, sobre todo referidos á atención administrativa. El tomou nota para transmitirllo ao seu presidente”.
E indicou que “vamos manter e potenciar dentro das nosas posibilidades esa relación que se asinou aquí no ano 2001, cando era alcalde Manuel Mon. Queremos engrandecer esa relación con contactos constantes para ver ata onde podemos chegar”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
