O Deputado de Participación Cidadá, Roberto García Pernas, asistiu xunto ao Alcalde, Francisco Cajoto, ao certame que organiza o IES focense coa participación de centros de Galicia, Asturias, País Vasco, Castela e León, e Madrid
Lugo, 9 de febreiro de 2023. O Deputado de Participación Cidadá, Roberto García Pernas, asistiu este xoves xunto ao Alcalde de Foz, Fran Cajoto, áo acto de entrega dos premios do Campionato Internacional de Baristas, que organiza o IES de Foz e que se celebra nas instalacións deste instituto coa participación de centros de Galicia, Asturias, País Vasco, Castela e León, e Madrid.
O alumno do IES Sanxillao de Lugo Pablo López Trashorras quedou en primeira posición; a segunda clasificada foi a alumna do CIFP Paseo das Pontes Isabel Touriñá Canosa; e, o terceiro, o alumno do CIFP Carlos Oroza, de Pontevedra, Jorge Domínguez Lorenzo.
García Pernas afirmou que dende a Deputación “apoiamos estas iniciativas que contribúen á profesionalización dun sector, o da hostalería, que é fundamental para a economía da comarca da Mariña e da provincia”.
“Esta cita congrega cada ano a estudantes e a profesionais dispostos a conseguir os trofeos que os recoñecerán coma os mellores baristas ou catadores de café, un recoñecemento que é toda unha carta de presentación nun sector chave no desenvolvemento do potencial turístico que temos na provincia”, subliñou o Deputado de Participación Cidadá, quen indicou que “os campionatos son tamén un escaparate para desfrutar en directo das habilidades dos mellores nesta”.
Apoio da Deputación
Os alumnos e alumnas de 2º de Realización do Centro de Formación Audiovisual (CFA) da Deputación de Lugo son os encargados da emisión en directo a través de Youtube do XV Campionato Internacional de Baristas de Escolas de Hostalería e do IX Campionato Internacional de Baristas Profesionais, o que redunda nunha maior difusión e coñecemento.
Os estudantes do CFA, acompañados por un docente, empregan seis cámaras e todo o material preciso para a realización dun programa de televisión en directo. Cada alumno rota por todos os postos, como realización e operador de cámara, e son os responsables do son e dos rótulos, entre outras tarefas.
Ademais de servir de práctica nun escenario real aos alumnos, este directo a través de internet contribúe á promoción da provincia e do modelo educativo, público e de calidade, que promove a Deputación a través do seu Centro de Formación Audiovisual. Así mesmo, ao longo da retransmisión emítense promocionais tanto do CFA como da sección de Descubrindo Lugo que elabora o Servizo de Audiovisuais da institución provincial, destinada a fomentar o coñecemento do patrimonio natural, monumental, cultural e etnográfico da provincia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
