Foz, 2 de febreiro de 2023. O alcalde de Foz, Fran Cajoto, reuniuse no entorno da área recreativa de Pico do Castro con membros da asociación Amigos dos Cans de Foz, que levan máis dun ano facendo uso dunha finca privada na zona do Camiño da Cadra para poder ceibar ás súas mascotas. Dentro do programa de ampliación de servizos e de recuperación de zonas verdes, o Concello de Foz está a traballar na creación da primeira área canina da Mariña no entorno do Pico do Castro. O parque canino, que se situará nas vellas instalacións de distribución de gas -xa en desuso- situadas no Pico do Castro e nun prado anexo, ambos de titularidade municipal, vén a atender a demanda da asociación e dun gran número de veciños e veciñas que solicitan un entorno seguro para que os cans poidan correr e gozar do aire libre.
O rexedor municipal explica que “a demolición das vellas instalacións de gas será a conta da empresa de distribución de gas Nedgia: o convenio no que o Concello de Foz cedía a parcela para a distribución de gas expirou ao finalizar a actividade. Para definir e axilizar as tarefas de demolición das vellas instalacións mantivemos o 24 de xaneiro unha reunión sobre o terreo con técnicos da compañía Nedgia, que se comprometeron a realizar os traballos nun prazo máximo de 3 meses despois de conseguir todos os permisos necesarios”.
Hai exactamente dous anos, en febreiro do ano 2021, Fran Cajoto fixera entrega das chaves da canceira municipal á Asociación Asistencial de Protección de Animais de Foz. “O Concello de Foz segue a traballar na protección e na mellora da calidade de vida dos animais, en colaboración con asociacións que fan unha enorme labor, como a Protectora de Foz. Tampouco nos esquecemos da limpeza das rúas, por iso incidimos moito na responsabilidade dos donos na recollida das deposicións das súas mascotas. Estas asociacións son un exemplo do que implica ter un can na nosa familia, os coidados e a responsabilidade que iso conleva”, engade o alcalde.
A construción da área canina será levada a cabo polos alumnos de xardinería do obradoiro de emprego Terras do Ouro 2022, do que ademais do concello focego forman parte os municipios de Alfoz e o Valadouro. Cunha superficie de máis de 2.300 metros cadrados, peche perimetral de 1,5 metros de altura, estruturas de agility e servizos como puntos de auga adaptados ás mascotas, a área canina será a primeira das súas características na comarca da Mariña. “Imos recuperar unha zona degradada cunha inversión reducida, creando un espazo moi demandado por aqueles que teñen no seu can a un máis da familia. O entorno do Pico do Castro ten un acceso peonil seguro despois das obras de urbanización da Costa do Castro e un estacionamento cómodo se nos achegamos con vehículo. Retirar as vellas instalacións de gas, un exemplo claro de feísmo, e a construción do primeiro parque canino da Mariña será un paso máis no Foz que estamos axudando a construír”, remata Cajoto.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
