Julio Torrado reclama equiparar as axudas por baixa produción do marisqueo a flote e a pé, “separados por metros, e ás veces por unha simple baliza”
Santiago de Compostela, 10 de febreiro de 2023. O portavoz de Sanidade do Grupo Socialista, Julio Torrado, acusou hoxe ao PP de impedir co seu voto que a Xunta amplíe as axudas ao libre marisqueo a todo o sector afectado pola caída da produción. Torrado presentou unha proposición non de Lei para pedir o mesmo respaldo do goberno galego para o marisqueo a pé, pero que non saíu adiante polo voto en contra do PP.
O responsable socialista lamentou que a Xunta libere axudas “a unha parte do sector” marisqueiro, sinaladamente ao que faena a flote, deixando fora ás mariscadoras a pé, cando “están separados apenas por metros, e ás veces unicamente por unha baliza”. Sinalou que “non ten sentido” que en rías como a de Arousa ou a de Noia, onde o marisqueo a flote convive nos mesmos bancos coas mariscadoras a pé “recoñezan un problema de produción só en algunhas zonas”.
Torrado emprazou á Xunta a “entrar en razón” e acceder a estudar a fondo os motivos detrás da perda continuada de produción marisqueira nas rías galegas e contar cun “coñecemento real, dende o punto de vista científico e analítico”. Esixiu ao goberno galego a “ceder e rectificar na súa intención de facer como que non pasa nada” e intentar “esconder” unha realidade que está a provocar “frustración” no libre marisqueo.
O parlamentario socialista lembrou que cando o PP chegou ao goberno en 2009 había 6.500 permisos de marisqueo a pé -Permex- e, malia que o seu obxectivo fora superar os 8.000 en apenas unha lexislatura, hoxe “estamos por debaixo dos 4.000 Permex e baixando cada ano”.
Ademais, sinalou a baixada continuada da produción de ameixa a ría de Arousa, onde pasaron de 700.000 quilos de babosa en 2010 a 150.000 en 2022, e dos 450.000 quilos de fina en 2010 a 118.000 o ano pasado.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
