Mariña Gueimunde analizou coa directiva do Centro Comercial Casco Histórico de Viveiro as fórmulas para dinamizar o comercio local
Viveiro, 27 de febreiro de 2023. A candidata do Partido Popular á alcaldía de Viveiro, Mariña Gueimunde, mantivo un encontro coa directiva da asociación Centro Comercial Centro Histórico de Viveiro, para estudar que carencias e desafíos deberá afrontar nos próximos anos o comercio local e que medidas deberíanse adoptar desde a Administración para consolidalo como un referente da costa de Lugo. No logro deste obxectivo, os empresarios viveirenses entenden que o papel da administración local non é nin moito menos menor, pois seguen detectando lagoas que limitan o potencial do tecido comercial de Viveiro e que son responsabilidade dos poderes públicos.
No seu diagnóstico sobre a situación do sector produtivo, a directiva de CCH manifestou á candidata popular a importancia de facer de Viveiro un lugar atractivo para o comercio, non só do xa existente senón tamén para aqueles emprendedores que desexen poñer en marcha o seu pequeno negocio ou para as firmas comerciais que queiran asentarse no municipio. Consideran que só así se poderán crear novos empregos no sector e consolidar os postos de traballo xa creados. Para iso, os comerciantes insisten en que a Administración debe facilitar as cousas ao máximo posible ao empresario, removendo aqueles obstáculos que correspondan ao seu ámbito de actuación.
Para o Centro Comercial Histórico faise moi necesario un plan de recuperación do casco histórico, espazo que constitúe un escaparate singular para o comercio local do que non gozan outros municipios da comarca e que debería supoñer unha vantaxe competitiva para o municipio. Neste sentido, sinalan a importancia de coidalo en aspectos tan visibles como a limpeza, (lamentan o deixamento existente cos excrementos de mascotas), e o positivo que sería ofrecer unha imaxe de uniformidade nos baixos comerciais sen alugar para evitar sensación de abandono polos seus propietarios.
A maiores, CCH expuxo a Mariña Gueimunde a posibilidade de optar aos plans Rexurbe da Xunta de Galicia para rehabilitar vivendas e dinamizar o centro de Viveiro, para o que é necesario ser previamente “Concello Emprendedor”.
Comunicacións, PXOM e aparcadoiros
Outra das reivindicacións que os comerciantes de Viveiro sinalaron a Mariña Gueimunde, así como a das comunicacións do transporte, por estrada principalmente, xa que, ao seu xuízo, supoñen un dos principais déficits para o comercio local pois o seu obsoleto trazado afasta de Viveiro a visitantes doutras poboacións da costa lucense, de Asturias ou do interior da provincia. Por iso, manifestaron á candidata popular a necesidade de que nos próximos anos as dúas administracións competentes, o Estado e a Xunta, poidan completar a Vía de Alta Capacidade pola costa e de que se mellore a estrada da Gañidoira.
A planificación urbanística tamén é causa de preocupación para a directiva de CCH, que lamenta o atraso na aprobación do Plan Xeral de Ordenación Municipal (PXOM). Os empresarios lembran que a falta dun plan urbanístico está a facer perder a Viveiro empresas que manifestaran o seu interese por situarse no municipio e que terminan por irse a outros lugares da costa onde lles ofrecen o que piden. Así mesmo, os comerciantes lamentan a restricións en materia de aparcadoiros en torno ao casco, e sinalan que o aparcadoiro gratuíto habilitado pola Xunta no antigo peirao de Viveiro non é suficiente. Lembran á candidata popular que o coche é algo necesario e que se deben dar facilidades para que se consuma en Viveiro proporcionando máis zonas para estacionar.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
