Próximo a rematar o mandato municipal, o balance da xestión efectuada polo goberno de Viveiro, e moi especialmente pola alcaldesa, a socialista María Loureiro, non pode ser peor. E dígoo con pesar, porque os que pagan as consecuencias da falta de xestión son os veciños e as veciñas de Viveiro. Moitas son as frontes nas que o resultado destes catro anos de goberno socialista foron un verdadeiro fracaso. Pero, polo menos para min, resulta especialmente frustrante no terreo dos servizos sociais e da colaboración con entidades fundamentais para Viveiro, como é o caso de Aspanane.
Di a alcaldesa que non foi posible conseguir os terreos necesarios para a residencia de Aspanane debido a que non está aprobado o Plan Xeral de Ordenación Municipal. É unha afirmación falsa, ou, polo menos, é unha desculpa que non se sostén. Non foi capaz a alcaldesa de negociar que lle cederan o antigo colexio de Celeiro para poder trasladar alí a Escola de Idiomas e que todo o edificio que agora comparten quedará para Aspanane, de maneira que puidera montar a residencia. Pero o que é o colmo da desvergoña política é que pretende xustificar a non consecución de terreos para a residencia porque non está aprobado o PXOM. Pois mire, niso ten razón, pero a culpa é súa e do seu goberno; a culpa é dos gobernos socialistas de Viveiro dende hai 20 anos. Deixaron pasar o tempo, con largas tempadas nas que non fixeron nada, e así chegamos ao día de hoxe sen PXOM. Non só é que non haxa terreos para Aspanane, é que o desenvolvemento urbanístico de Viveiro leva vinte anos parado, con todo o que iso significa, dende todos os puntos de vista, e todos con repercusión económica e social.
Dóeme ver que os meus veciños seguen sen ter centro de día, porque vostede, alcaldesa Loureiro, non fixo cumprir o convenio polo que o Concello cedeu o terreo para a residencia da terceira idade e para un centro de día. Sinxelamente non lle deu a gana de facer nada para resolver este déficit, que, se existe, é pola súa falta de xestión. E que dicir do feito de que, tendo horas aprobadas para o Servizo de Axuda da Domicilio, haxa unhas cen persoas en lista de espera. É triste, pero é así; ese vai ser, señora Loureiro, o seu legado a esta histórica cidade e aos seus veciños.
Un día, alcaldesa, díxome nun pleno que eu teño “moito morro”. Hoxe, facendo, balance do resultado para Viveiro deste mandato municipal que remata, lembreime diso que me dixo cando pensei en canto presume da política social do Concello. E non me deu a risa; non rin, non, porque é moi malo para os meus veciños que Viveiro non dispoña dun terreo ou edificio para a residencia de Aspanane, que careza do centro de día ao que ten dereito, que a lista de espera para o SAF sexa moito máis longa do necesario e que, por non haber PXOM, a cidade non teña deseño de futuro e leve 20 anos perdendo oportunidades de todo tipo. Non me dá a risa; dáme moita pena; si, pena me dá esa actitude súa, esa indolencia e esa falta de peso político que tanto dano fai a Viveiro.
Óscar Rodríguez (portavoz do PP de Viveiro)
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
