Augura un resultado histórico nas próximas eleccións municipais, convencida de que o Bloque será a forza política que máis suba o 28M
Santiago de Compostela, 3 de febreiro do 2023. A portavoz nacional, Ana Pontón, participou na presentación da candidata do BNG á alcaldía de Barreiros, Ana Ermida, á que definiu como “unha muller que ten demostrado nestes catro anos a súa capacidade de goberno: en positivo, con honradez e transparencia, con eficacia na xestión, con diálogo e sempre coas portas abertas, capaz de sacar o concello dunha etapa negra e avanzar cara o futuro, traballando sempre a favor da veciñanza”.
A líder do Bloque destacou que durante os últimos anos á fronte da Alcaldía, Ana Ermida e a súa equipa demostraron que se pode gobernar a favor do ben común, poñendo ás persoas no centro e sempre coa man tendida e as portas abertas. “O BNG abriu un tempo novo en Barreiros, un tempo no que os veciños e veciñas volven confiar no seu concello”, indicou.
Pontón quixo lembrar os avances logrados polo goberno local, empezando por implantar unha xestión eficaz e transparente, a posta en orde no “descontrol económico” do concello, a mellora dos servizos públicos, o avance nas infraestruturas básicas ou os programas que se desenvolveron a favor das familias e a favor da igualdade.
“Ana Ermida como alcaldesa abriu un tempo novo en Barreiros, de progreso e de futuro, con máis liberdade, con máis democracia, con máis dereitos, un tempo novo a favor da maioría social”, proclamou. Por todo isto, Pontón amosouse convencida de Ermida “volverá ser alcaldesa de Barreiros cunha maioría reforzada o próximo 28 de maio, porque a veciñanza quere seguir esa senda de progreso e de futuro iniciada polo goberno local
Na súa intervención, a líder do Bloque destacou que a campaña de cara as municipais ten lugar dun contexto de gran dificultade, no que mes a mes a cidadanía comproba como os prezos soben máis en Galiza, pese a ter salarios por debaixo da media e as segundas pensións máis baixas de todo o Estado. A situación vese agravada por un Partido Popular “insensible aos problemas da xente do común, instalado na rutina, sen proxecto e sen impulso político, incapaz de tomar nin unha soa medida relevante para sacar Galiza adiante”, proclamou a líder do Bloque.
Por contra, o BNG non deixará de traballar para enfrontar esta situación con valentía e decisión, afirma Pontón, “tomando medidas para frear a especulación coa vivenda ou cos alimentos, reclamando que a banca devolva os 90.000 M€ do rescate bancario ou poñendo un tope de prezo aos carburantes”. Ademais, engadiu que “é posible crear facer unha intervención pública para que a electricidade sexa un ben do País creando unha tarifa eléctrica galega”.
A favor da maioría social ante a crise
A portavoz nacional puxo o foco na necesidade de presentar alternativas a favor da maioría social defendendo os servizos públicos, particularmente unha sanidade pública cunha atención primaria colapsada. Tampouco deixou pasar a ocasión para poñer de manifesto que “a minoría do lobby eléctrico, segue enriquecéndose da man do PP que vende Galiza a prezo de saldo, dando barra libre ao espolio da nosa riqueza cun boom eólico depredador mentres as familias pagan unha factura da luz desorbitada”.
A líder do BNG destacou que, en cambio, “os gobernos municipais do BNG son gobernos de calidade, eficacia, solvencia e capacidade de transformación para mellorar a vida das persoas, o mellor aval co que podemos presentarnos ao reto das eleccións municipais de maio. Temos capacidade para transformar en positivo e dar solucións ás cuestións que afectan á cidadanía”, concluíu.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
