Carmen Veiga cualificou a súa candidatura “como un grupo de homes e mulleres de Barreiros preocupados polo futuro do concello, e que, sobre todo, están dispostos a traballar a reo para sacar os proxectos adiante. Agora non podemos parar, temos que seguir promovendo políticas progresistas na nosa vila”
Barreiros, 25 de marzo de 2023. O Secretario Xeral do PSdeG na provincia de Lugo, José Tomé Roca, participou este sábado na presentación da candidatura dos socialistas de Barreiros ás eleccións municipais, encabezada por María Carmen Veiga Rodríguez, que neste mandato formou parte do Goberno municipal como segunda tenente de Alcaldesa. Un acto celebrado no Centro Sociocultural Díaz Sampedro, en San Cosme, con veciños, militantes, simpatizantes e cargos orgánicos e institucionais do partido na comarca da Mariña.
José Tomé felicitou a Carmen Veiga polo “gran traballo” que fixo dende o Executivo de Barreiros durante estes xa practicamente catro anos de mandato “para mellorar a vida dos seus veciños e veciñas, pola xustiza social, a igualdade de oportunidades, polos servizos públicos e as infraestruturas e por impulsar a actividade económica”.
O líder dos socialistas na provincia amosouse convencido de que a candidata socialista continuará o seu labor despois do 28 de maio porque “os veciños saberán ver e recoñecer o que fixo, porque ten un proxecto de futuro para Barreiros, ilusionante, centrado nas persoas, na defensa dos servizos públicos e na promoción da economía, como sempre facemos os socialistas, e así o estamos demostrando no Goberno de España e na Deputación de Lugo”.
O Secretario Xeral provincial puxo de manifesto a diferencia do compromiso do PSdeG coa Mariña co que demostra o PP. A comarca “necesita aínda máis socialismo e moito menos PP, que o único que fai é vir facerse fotos e tratar de meter medo coa industria, a pesca ou as infraestruras, e que traizoou aos mariñanos con Altri, pero solucións para a xente, ningunha”.
Así mesmo, destacou a alma feminista do Partido Socialista, sendo nestas eleccións municipais a forza política pola que se presentan máis mulleres na provincia e, probablemente, nas do resto de Galicia, con máis de vinte candidatas, que, “como Carmen Veiga”, ofrecen “o mellor de si para mellorar o seu concello”.
A candidata socialista cualificou a súa candidatura “como un grupo de homes e mulleres de Barreiros preocupados polo futuro do concello, e que, sobre todo, están dispostos a traballar a reo para sacar os proxectos adiante. Agora non podemos parar. Temos que seguir promovendo políticas progresistas na nosa vila”.
Apoio da Deputación de Lugo e do Goberno de Pedro Sánchez
Nesta liña, reivindicou o investimento da Deputación de Lugo ao longo destes últimos catro anos, “xa que supuxeron unha inxección económica para a veciñanza de Barreiros de máis de 2,5 millóns de euros” para a dotación e mellora de servizos públicos, equipamentos e vías municipais e provinciais, e para a colaboración co tecido asociativo veciñal, cultural e deportivo, ademais da promoción do territorio a través do turismo. “Sabemos gobernar e facémolo con responsabilidade, e atendendo sempre as prioridades da vila”, remarcou.
Carmen Veiga avanzou a súa vontade de “poñer en valor” os recursos patrimoniais de Barreiros, como por exemplo o monumento megalítico da Roda, “que conta co compromiso de investimento do Goberno de Pedro Sánchez”, ou o sistema dunar das praias de Coto-Valea, e a de Arealonga, “onde hai unha previsión económica de máis de 800.000 euros”.
Destacou así mesmo a construción dun novo apeadeiro de FEVE, nunha nova ubicación máis céntrica e accesible. Na actualidade, lembrou, estase realizando o proxecto cun investimento de 800.000 euros.
Candidatura socialista de Barreiros
A candidatura socialista de Barreiros para as vindeiras eleccións municipais do 28 de maio está composta polos seguintes veciños e veciñas:
1- María Carmen Veiga Rodríguez
2-Juan Bautista Cortiñas Pedreira
3- Jorge David Vázquez Grande
4- Benito Longarela Geada
5- María Jesús Jover- Peralta Panel
6- Felipe Fernández Recalde
7- Silvia Otero Moirón
8- María de la Luz Rodríguez Rico
9- Adrián Longarela Otero
10- José Antonio Otero Ramos
11- María Rosario Pardo Suárez
Suplentes: José Terrón Cantil; Miguel Ángel Barrera Longarela; María Ángeles Moirón Otero.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
