Ribadeo, 29 de marzo, 2023. Este mércores 29 de marzo un grupo de alumnos e alumnas de 4º ESO e 1º BAC asistiron no salón de actos do centro a unha charla de Mª Ángeles Romero Rodríguez, doutora en Farmacia e primeira muller en Galicia que obtivo a cátedra de Tecnoloxía dos alimentos na Universidade de Santiago de Compostela, no Campus Terra de Lugo, e é ademais a directora da singular cátedra do Pan e do Cereal que funciona nese campus desde 2016.
Esta actividade, organizada por Prensa-Escuela e Viaqua co título A Voz da Muller STEM, consiste en propostas de conferencias coas protagonistas femininas, mulleres inspiradoras no ámbito da ciencia actual que sirvan como referentes femininos e animen ás alumnas a cursar estes estudos. Son mulleres que traballan en Ciencia, Tecnoloxía, Enxeñaría ou Matemáticas e que mostrarán ao alumnado que o xénero non é un impedimento para traballar en Ciencia e mostrará aos xoves en que consiste o día a día nestes sectores punteiros da investigación.
Neste caso, Gelís Romero ampliará o tema fundamental da alimentación a un alumnado que xa traballou esta problemática fai un mes como Escola Embaixadora do Parlamento Europeo nunha sesión on line de EUROSCOLA realizada desde a sede do Parlamento en Bruxelas, e que, a través de distintos protagonistas, profundou na sustentabilidade e o futuro dos recursos alimenticios. A charla da nosa ponente, ex alumna do centro, achegou a verdadeira cara dos produtos de consumo diario, explicou o que realmente consumimos, e puxo en alerta a todos sobre os riscos que conlevan determinados hábitos alimenticios que realizamos no día a día sen unha suficiente consideración sobre as consecuencias que a corto, medio e longo prazo poden traer. Un coñecemento máis pormenorizado e un equilibrio na inxesta calórica de cada individuo debe ser o principio dun cambio na sociedade que permita primar a prevención sobre a curación, de forma que poidamos corrixir hábitos non saudables antes de que se convertan en males necesarios de tratar e que consumen a nosa vida e os nosos recursos vitais e económicos.
Unha amena, áxil, entretida e nutritiva charla que debe servir de semente para un cambio na actitude de consumo cotiá, e un mellor e máis racional aproveitamento da Natureza na que vivimos, e tamén unha chamada de atención sobre a necesidade dunha igualdade de xénero que debe ser conquistada en cada ámbito da sociedade e reivindicada por todos.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
